死有對証第一集｜吳若希驚見三年前演出包包面搶鏡！出席陌生人喪禮演港女入型入格
TVB新劇《死有對証》昨晚（7 日）首播，首個單元劇情是「人肉三餸飯」！新晉女法醫程芷昕（陳曉華飾）首日上班便到垃圾站搜索疑似人肉屍塊，另邊廂，芷昕的好姊妹單佩嘉（吳若希飾）為了工作不惜出席陌生人的喪禮取材，甚至在殮房玩自拍，鬧出不少笑話。
吳若希出席陌生人喪禮
至於飾演陳曉華閨蜜的吳若希（Jinny），其角色單佩嘉則是「港女」一名！飾演時裝及美妝版記者的她為了攞工作靈感，於陌生人的喪禮被邀上台致詞時稱：「相信大家對於子潼嘅意外離開，一定會覺得好突然……」台下即時竊竊私語：「乜子潼唔係肺癌末期咩？」她更搞錯死者性別：「其實子潼係一個好好、好好、好好嘅男仔。」
演港女入型入格
此時死者親友知道吳若希白撞，她急急腳邊走邊尷尬說：「願主保守各位！」之後她在殯儀館玩自拍但拍到其他人，被要求刪相時說：「其實香港法例冇肖像權」、「我頭先自拍緊，佢哋又入咗鏡，我又冇犯法㗎！」雖然拋出法律大條道理，但就顯得罔顧他人感受。
三年前演出驚見自己包包面
Jinny 近期簡直是「霸屏」！繼上月開播處境劇《愛．回家之三代同糖》後，昨晚再播出正劇《死有對証》。不過連上兩套劇的 Jinny 最擔心的不是收視，而是自己的「包包面」！她在社交網留言：「三年前嘅劇，同啱啱上個月拍嘅處境劇，擺埋一齊播，最驚嘅嘢就係容貌差距太大，點解嗰陣時我塊面可以咁圓？個樣可以咁腫？Why？呢三年我究竟經歷咗咗咩？係咪真係咁攰？」
港生活人氣娛樂新聞
↓U Lifestyle App賞您香港秋季旅遊博覽會門票↓
↓機票及酒店優惠、自助餐及餐飲套票↓
【請您食😋】上海姥姥Rich & Fit二人套餐💚！
↓💡將姥姥經典點心主菜營養健康升級🌿↓
U GO 本週好去處
