尖沙咀街頭7-11坑渠旁驚現神蹟！通靈者遙指點「隔空尋物」100% 精準命中

JanJan驚爆尖沙咀「坑渠神蹟尋袋」

Jan Jan在Threads發文表示：「當大家睇完今晚嗰一集嘅時候，都一定會同我有同樣嘅疑問，Angel喺節目上能夠出現呢種嘅100%準確度，有啲假吧，但係我想同大家分享一件事。」 她透露有日於尖沙咀準備坐車出發前往TVB時，發現遺落了整個手袋。

幾經轉折，製作組工作人員竟示意她可嘗試向Angel求救：「佢話佢嗰一日唔見咗部iPad，佢（Angel）都幫佢搵得返，我心諗唔係咁神呀嘛。」結果經Angel指點後，果真成功尋回失袋，相當神奇。

撐通靈者Angel能力值

Jan Jan寫道：「佢（Angel）話我個袋仲喺條街度，叫我快啲叫人落去再睇吓，我話其實啱啱先至搵完人落去睇，都搵唔到，佢話唔係喎，我真係見到仲喺條街度，佢話你去睇吓7–11對面嗰啲坑渠位置」

而最後竟然真的在該位置成功尋回手袋：「突然間我化妝師同我講真係搵到，我個袋真係喺7–11附近，就喺我差唔多上車嘅位置，應該就係嗰度跌咗，然後俾人執咗放喺側邊，真係大癲，今次真係要thank you Angel。」