集體回憶｜石籬商場舊照引共鳴！網民懷念晴天屋等平民小店 拆解3度易手變遷

帖主翻出舊照憶當年：昔日商場「都好食」如今冷清

一名網民在 Threads 轉載貼出多張石籬商場的舊照片，並表示自己一直鍾情昔日的商場面貌。帖主寫道「有冇人同我一樣都幾中意以前既石籬商場」，並回憶小學放學後經常光顧的店舖：「好記得（食品宣言）小學放學個時成日去買野食」，又點名「（越南）同（晴天屋）都好食」。不過在帖主眼中，現時的商場已大不如前，形容「而家既石籬商場比起以前冷清啲」。

帖主其後在留言區補充，昔日商場人情味濃厚，「以前好多舖頭嘅老闆都好好」，並提到當年惠康旁邊的零食店「好似叫甜甜屋」，如今商場「而家好冷清」。

商場易手三部曲：房委會→領展→基滙資本

網民留言歸咎商場翻新後「變咗清一色連鎖集團」，其實有關轉變背後有一段的業權轉手歷史。翻查資料，石籬商場一期及二期原本由房屋委員會持有，並於2005年被出售予領匯（即現時的領展）。到2017年，領展再進一步將石籬商場連同其他16個屋邨商場物業，以合共230億元的作價，一併轉售予基滙資本為首的財團。現時石籬商場已由基滙資本旗下的「民坊」品牌負責管理及營運。

晴天屋、食品宣言、越南餐廳 見證屋邨小店黃金年代

從帖主貼出的舊照片可見，當年石籬商場聚集了多間深入民心的地道小店：

• 晴天屋（Sunny House）：藍色招牌的糖水甜品店，門面設有座位，是不少街坊心目中西米露、豆腐花的回憶所在。

• 食品宣言：售賣零食糧油的雜貨店，店內貨品琳瑯滿目、掛有「韓國熱」宣傳，門口更有小攤檔主打「家鄉粉仔、豆腐花」。

• 金葵苑越南餐廳：綠色招牌的越式食肆，玻璃門外貼滿餐牌與推介。

此外，照片亦拍下商場走廊昔日的紅白格仔地磚、售賣玩具與夾公仔機、扭蛋的店舖，以及百佳、銳明家庭用品等舊舖面貌。其他網民亦接力點名更多已消失的老店，包括耀興麵包舖、晴天屋對面的甜甜屋、漫畫鋪、椰林閣、海霸茶樓、兼賣模型的金輪報紙檔，以及可以在門口玩爆旋陀螺的文具店等。

網民熱議：呢個先係我哋熟悉嘅石籬商場

有網民延續回憶接龍，補充更多童年幫襯過的店舖，當中最多人認同的一句寫道「耀興麵包舖同晴天屋對面間甜甜屋（搵唔到相）都係童年回憶啊」。亦有不少人力讚舊店價廉物美，對比之下嫌棄新店又貴又失色，有網民直言「晴天屋同金葵苑真係dope爆 簡直性價比之王」，並慨嘆「而家商場比5-70蚊起跳食垃圾」；也有人念念不忘越式美食，大讚「越南餐廳嘅豬扒飯同個酸蘿蔔真係出色」。面對物是人非，也有街坊感觸留言「呢個先係我哋熟悉嘅石離商場」。

現時商場石籬街市店舖（部份）

+2

點擊圖片放大

唔止石籬！屋邨商場結業潮並非個別現象

石籬商場遭遇並非孤例。近年不少屋邨商場在業權轉手後，同樣經歷大翻新引致老店逐間消失的情況，當中最經典嘅例子要數荃灣石圍角商場：

由此可見，屋邨商場「舊店逐間消失、換上連鎖品牌」現象，某程度上已經成為近年香港屋邨商場的普遍軌跡，並非單一商場獨有問題，而是業權私有化後的共同結果。

資料及圖片來源：Threads@12_cck、房屋委員會、領展公開資料