90後聚會現況｜食飯9點半自動嗌散場？網民揭3大初老症狀 聽日要返工

9點半提出散場「90後聚會現況」掀共鳴

發文網民以「90後與朋友聚會現況」為題，形容聚會到了晚上9點半，便會有人開口說「有啲夜了不如返屋企啦」。面對排山倒海的反應,樓主亦自嘲這是「初老症狀」，又笑言「人哋11點仲未開始玩」，自己一夥人卻已準備打道回府。有網民留言貼出經典的散場對白「聽日要番工，不如散啦好嗎？」樓主更回應「啱啱好似exactly有呢句」，直言身邊朋友幾乎人人都說過同一句。

網民盤點提早回家原因 返工、眼瞓、趕尾班車樣樣中

不少人提到提早散場的實際原因。最多人提及的是翌日要上班，有網民直言「聽日要翻工，唔出啦」，亦有人分享聚會「多數只約星期六，因為星期日要用黎回氣星期一返工」。其次是純粹體力不支，「唔係講笑，真係眼瞓」、「我眼訓我要返屋企」的心聲比比皆是。

交通亦是關鍵考量，有住得較遠的網民表示「翻到大西北仲要轉車每次10點就開始驚夜咗無尾班車」。此外,也有人認為與其在外消耗時間，不如回家享受私人時光，有網民坦言「返到屋企都11、12點，仲未計沖涼，碌下電話」，更有人笑稱「11點只係想返屋企，其實都唔係訓覺既攤係床睇threads睇到成點鐘」。

網民自嘲初老：覺得自己勁老

帖文引起大量網民共鳴，不少人紛紛留言「真」、「我明」表示認同。讚數最高的一條留言分享，自己在剛過去的萬聖節正日，與朋友吃完飯11點前便趕著回家，途中看見大批盛裝打扮的年輕男女從地鐵站湧出，「頓時覺得自己勁老」；亦有人以玩笑方式呼應，指90後到了「今晚11點」多數「已睡」。

這股「初老」風氣更被指不限於90後，有網民表示「00後都已經係咁」。也有網民鉅細無遺地重演一次典型聚會流程：由「約8點半食飯」開始，有人姍姍來遲、有人中途嗌飽，「9點開始發現有人係咁拎電話出嚟望吓而家幾點鐘」，直到「9點半就會有人提議『喂夜啦不如埋單』」，最後大家在街上多聊幾句，便各自趕著搭車回家。

資料及圖片來源：Threads@qq_lkl、Canva示意圖