女神配對計劃2｜陳若思心動配對「健身界MC」林子朗！街頭健身絕技懸空 Moon Walk引爆全場尖叫

文: 吳佳雅

31分鐘前

《女神配對計劃2》第三集中，吳兆麟（Alan）強勁對手正式登場！被稱為「健身界張天賦」的27歲求愛勇者林子朗（阿朗），以超強街頭健身絕技包括「後空翻」及「懸空 Moon Walk」震撼全場！除了一身絕技，阿朗手臂上用來紀念已故愛犬的「愛的紋身」更展現出無比重情的一面，成功深深打動陳若思（Amber），勇奪4燈完美配對！

「健身界 MC」林子朗街頭健身絕技「懸空 Moon Walk」

昨晚與 Amber 心意相通的，還有「健身界張天賦」林子朗「阿朗」。架上透明膠框眼鏡、望落像中學生的27歲林子朗，除了以出色的街頭健身動作，包括後空翻及「懸空 Moon Walk」，令五位女神異口同聲大嗌：「好犀利」。

點擊圖片放大

「愛的紋身」紀念已離世愛犬！27歲林子朗真情告白

其手臂上「愛的紋身」，更令Amber 留下了超級好的第一印象，子朗：「呢個係第一個紋身，係我最鍾意嘅狗狗」、「2014年走咗，由細個陪到我大個」、「呢句英文係一句歌詞，You'll always be my side till the day I die，因為我紋咗佢就一世，會直到我死嗰刻，一齊入土為葬。」

林子朗重情特質獲全場花生團一致好評

Amber：「佢好重情，佢唔想忘記呢個陪咗佢咁多年嘅小朋友，所以佢先刻佢喺佢身上，等佢可以每一日見到，我覺得好加分。」至於花生團亦對「重情子朗」一致好評，就連「理智Sam（劉倬昕）」亦忍不住露出滿意的「外父笑」，場面開心熱鬧。

勇奪 4 燈與陳若思心意相通！

最終，子朗以4燈姿態與Amber心意相通，當Amber為他戴好心動頸鏈後，子朗還感性地多謝 Amber 及大拋真誠的愛之承諾：「多謝你鍾意我呢個處女座」、「之前海選，我未認識大家，我嚟係希望揀個Soulmate，但經過今次（日）之後，我覺得Amber 係我想搵嘅人」，而 Amber 亦對子朗甚有好感：「我覺得佢有花心機想了解我，加上我真係鍾意啲斯斯文文怕怕醜醜。」看來吳兆麟 Alan 有勁敵了。