三代同糖預告｜徐榮震撼回歸《愛回家》系列！演深情「鑽石王老五」暗戀車婉婉
無綫處境劇《愛‧回家之三代同糖》千呼萬喚的「馬強」徐榮，將於今晚（29 日）一集《三代同糖》「我的回憶有兩億」正式登場，據知徐榮這次相隔十年回歸《愛‧回家》系列，主要任務是拯救婚姻亮紅燈的嘉冰（車婉婉飾），與婉婉有勁多對手戲。
徐榮震撼回歸《愛.回家》系列
今晚劇情講述嘉驄（李偉健飾）中學好友程祥劍（徐榮飾），原來是安多勳（關曜儁飾）健身室大老闆，事業有成、有頭有面，對嘉驄愛屋及烏，對嘉冰更是特別關心。原來，祥劍小時候因樣子土氣，與嘉驄及其餘兩名同學獲封為「U4（Ugly 4）」，更一度遭同學排擠及取笑，嘉冰在緊要關頭為祥劍出頭並為他加油，自此嘉冰成了祥劍心目中女神，祥劍更因嘉冰關係，將愛貓改名為「兩億」。
演深情「鑽石王老五」暗戀車婉婉
由於徐榮角色程祥劍是「鑽石王老五」，監製 Marco 專誠為他設計了斯文及顯年青的造型之餘，還希望他可以「靚仔啲」；並大讚現年 52 歲的徐榮 Keep 得勁好，Marco：「睇番啲造型相，徐榮 50 幾歲都仲可以咁弗，我都相當佩服。今次呢個鑽石王老五，可以話係為佢度身訂造。」
談到獲監製大讚「靚仔」兼 Keep 得好，徐榮謙稱是服裝同事功勞：「啲衫好睇呀真係，令我望落去型咗咁咯。」談到繼《大醬園》、《我家無難事》後再與婉婉合作，徐榮透露為了增加趣味，二人有私下互 Jam 爆肚，並預告有場孭婉婉落樓梯戲很難忘：「有場戲我要孭住佢，要一路孭一路落樓梯一路講對白，初初都唔知自己講唔講到對白，但最後婉婉比我想像中輕，所以都好輕鬆完成咗。」
港生活人氣娛樂新聞
U Lifestyle App 請您去《EVANGELION》系列 30 週年紀念「最後的使者 渚薰展」香港！
神級聲優專屬語音導航🎧珍貴劇本還原經典場面✍️
↓【限時搶⚡】laCOOL銀粒子長效抗菌噴霧↓
↓一家大細、寵物都可安心使用↓
U GO 本週好去處
