許志安演唱會2026｜三場紅館個唱圓滿落幕！許志安三度Encore淚灑舞台：不奢望再上高山

感觸坦言不奢望再上高山 唱《一步一生》落淚

相隔十一年再踏紅館，安仔透露心聲：「以後唔奢望再上嗰個高山（紅館），未來的路唔知點行，但有你陪伴唔會手震腳震。」隨後唱出《一步一生》，感觸落淚。

盼歌迷好好享受當下 忘記生活煩惱

到了唱演唱會最後一首歌《一千次日落》前，安仔再次分享了心聲，說：「第二場結束後，演唱會監製嘉萍叫我諗下，今次演唱會想帶俾觀眾咩嘢？我們嘅生活會遇到好多煩事，但喺呢三場演唱會，呢幾個鐘，大家係完全可以忘記過去及未來，只係有呢一刻真實的存在。我覺得我哋要好好享受呢個當下，下一次再返去忙碌之中，諗一諗許志安唱過好多歌畀我聽喎！就夠了！」然後安仔不捨眼前的燈海、不捨每一位入場樂迷對他的支持，再一次哭著唱《一千次日落》等了。

播離場廣播歌迷仍不走 三度 Encore 完美落幕

而苦等了十一年，終於再聽到安仔歌聲的樂迷們，同樣不捨離開，縱然場館已播出離場廣播，依然不肯離去，最後安仔再次上台，第三度encore，與歌迷大合唱《會過去的》，《星河感覺》、最後以一曲《借你耳朵說愛你》，彼此帶著不捨的開心回憶，為三場紅館個唱劃上完美句號。