蔡卓妍嚴正割席張致恒僅稱「前朋友」 身為債主直認仍有朋友借錢相助：大家冇欠咗你
蔡卓妍（阿Sa）日前接受訪問，當被提及昔日好友張致恒（Steven）屢傳欠債不還的近況時，忍不住直呼「真係激死人」！面對前好友如今的困境與種種爭議，阿Sa罕有深情剖白，坦言雖然彼此已成為「前朋友」，但依然心疼對方的現狀，希望他能腳踏實地為家庭與下一代著想。
盼張致恒「腳踏實地」過日子
阿Sa透露，自己過往幫朋友從不奢求回報，若對方沒有主動償還亦不會「唱衰」對方，但經歷過後會讓她看清一個人的本性：「我嬲唔係嬲幫咗你，而係嬲其他嘢。」她表示身邊有不少朋友同樣需要養妻活兒，大家都非常辛苦地打三、四份工來支撐家庭，因此更希望對方能夠「腳踏實地」過日子。
阿Sa「前朋友」稱呼Steven
對於對方電費高達9000元，阿Sa亦嘆氣表示無奈：「我真係唔知啊！我唔知點樣可以用到啲電費咁。」談及對張致恆未來的期望，阿Sa表示自己作為「前朋友」，依然真心希望對方與其家人、小朋友都能擁有更好的生活與幸福。她語重心長地呼籲對方：「咁要點樣做呢？咁我覺得佢真係要攝高枕頭諗清楚。」
深感無奈：大家冇欠咗你
她透露知道數個月前仍有朋友在伸手相助，但隨後看到新聞指對方連電費都欠交時，讓她深感無奈，直言「其實大家冇欠咗你㗎嘛，係咪先？我覺得佢自己真係要諗清諗楚，點樣可以改變到、改善到而家呢個狀況。」雖然對整件事感到心痛與無奈，但阿Sa最終選擇將過去一帶而過，不再多言，期盼對方能真正醒悟。
港生活人氣娛樂新聞
↓【快閃送】大派原箱韓式甜辣醬拌麵↓
↓酸甜惹味，微辣過癮↓
↓【限時搶⚡】moonwell尊貴花膠食療系列養生燉湯↓
↓正宗原條花膠筒｜滋陰養顏↓
U GO 本週好去處
