男團ZPOT推出全新單曲《第7代男團》！少爺占親自填詞 成員親撰Rap詞反擊質疑

少爺占落力設計歌詞 寫入香港 6 組不同年代男團

新歌由徐浩作曲及監製、少爺占填詞、Bosco 及 Marcus 親自填寫 Rap 詞、葉澍暉編曲。新歌寫入了香港不同年代的男團，包括元祖男團小虎隊，殿堂級男子跳唱組合草蜢，Shine， BOY'Z ，師兄團 MIRROR 及 P1X3L ，寄望 ZPOT 作為樂壇新世代，懷著興奮與熱情，努力做好每個作品和舞台表演，引起新浪潮，同時可以成為大家心中的第 7 代男團，傳承本土男團精神！

曾於選秀節目擔任導師的少爺占今次以全新身份與 ZPOT 合作，Bosco 說：「今次新歌《第7代男團》想向香港每一代男團前輩致敬。每一代男團都留下咗好經典嘅印象。阿占填詞嘅時候融合咗每一代男團嘅代表性元素，對我哋 ZPOT 嚟講係一份寄語同埋祝福，希望我哋可以成為香港另外一對有代表性嘅男團，繼續喺舞台上面發光發亮。」

Gordon 亦感謝少爺占的心意：「可以以另一個身份再同少爺占合作，其實好開心。少爺占真係對我哋很好，無論係錄音定拍 MV 都特登過嚟探班。歌詞入面有好多特登致敬香港男團嘅元素，睇得出佢落足心力去設計，非常期望未來仲有機會合作。」

成員 Marcus Bosco 親撰 Rap 詞 勇敢回應外界質疑

除了少爺占的精彩填詞外，歌曲中的 Rap 詞部分由 Marcus 及 Bosco 一手包辦，寫下屬於年輕一代的宣章與迷惘。Marcus 提到創作初衷：「今次個 Rap 係我哋自己一手一腳寫出嚟。作為新人，好多時會受到好多人質疑，甚至有人覺得我哋唔啱喺呢個舞台發光發亮。我希望透過呢個 Rap 鼓勵自己同埋鼓勵冇信心嘅人，千祈唔好因為一啲聲音而放棄夢想，每個人都有屬於自己嘅道路。」Bosco 補充道：「作為樂壇新血，好希望可以有我哋自己嘅舞台同埋表演，屬於我哋自己嘅時代。我特登喺 Rap 詞入面加入咗 ZPOT 嘅名字，希望將來可以創造一個新浪潮。」

點擊圖片放大