AnsonLo盧瀚霆新歌《午夜場》驚喜宣布重磅大計！預告今年推第二張大碟展現成熟風格

堅持全首 Solo 演出不請 Dancer 營造臨睡前耳邊唱歌親暱感

今次 MV 比過往特別，未有邀請舞蹈員參演，由 Anson Lo 全程獨自 Solo 演出，背後蘊含著他對歌曲的獨特理解：「今次呢隻 MV 自己都堅持係唔需要邀請 dancer 朋友一齊跳，因為呢一首歌其實我自己覺得好似係有人喺你耳邊、臨瞓之前唱歌畀你聽，所以我覺得呢個咁親暱嘅感覺，由自己一個 solo 去跳晒所有跳舞嘅部分，係可以拉近到同聽眾、拉近到同睇緊 MV 嘅每一位，你哋都可以更加之貼近。」

重磅宣布音樂大計 預告今年推出第二張個人專輯

除了發行「雙單曲」，Anson Lo 更驚喜宣布今年的重磅音樂計劃，預告將會推出第二張個人專輯：「2026 年有一個音樂大計都可以劇透畀大家，就係將會有自己個人嘅專輯，係自己第二次嘅個人大碟！今次大碟嘅美術風格會同第一次好唔同，想呈現一個比較成熟少少嘅 Anson Lo 會係一個咩感覺，所以大家可以期待下。」

圖片來源：官方提供