天瑞商場成小紅書新景點？被問美食街係邊街坊R頭：好驚屋企樓下變打卡點

連鎖包點變隱世名物？天瑞商場突被小紅書推介

從帖文圖片可見，有人以手勢及紅色標示圈出商場入口上方的「天瑞」招牌，圖片下方附有「在香港！認住這個商場……」等文字。另一張相片則展示店內食品陳列櫃，以及一盒煎餅狀小食。留言區有人提到天瑞商場及「包點先生」。翻查資料顯示，圖中為位於新界元朗天水圍天瑞路9號的天瑞商場，屬於街坊日常閒逛的屋邨商場，該商場地下設有「包點先生」分店，主要提供中式包點及點心。

買宵夜被遊客問路！街坊R晒頭：有生之年屋企樓下變旅遊景點？

對於商場成為推介對象，有網民直言意外，「我真係完全冇諗過呢個咁嘅商場可以吸引到遊客」；亦有自稱住在附近的留言者感嘆，自己「有生之年屋企樓下商場變成咗旅遊景點」。另一名網民稱，自己曾在附近買宵夜時，被人拿着小紅書詢問附近的美食街位置：「我試過喺樓下買宵夜嗰陣時，俾人拎住個小紅書喺度問我天瑞美食街係邊，我真係r晒頭。」另有人擔心日常買食物會受影響，留言稱：「細聲啲啦，街坊食唔到喇」。

網民笑看深港反差：港人北上咪一模一樣

也有留言者從另一角度看事件，稱香港人到深圳遊玩時，當地居民可能同樣會覺得，平日生活的地方忽然成為外地人專程到訪的目的地，「其實我哋上深圳玩，啲深圳人都係咁睇我哋」。不過今次版介紹的食店屬於連鎖品牌，於全港各區都有分店，並非天水圍獨有的門市。

資料及圖片來源：Threads@invisible.fullmoon、小紅書、領展網站