女神配對計劃2｜陳星妤挨心口指尖觸唇極曖昧！直言似前度有熟悉感 捧面殺甜如愛情劇

俊男美女同框高手過招 Oswald 獲封求愛勇者新寵

昨晚最驚喜「電話亭配對」是 Oswald 與 Yvette，被譽為「高手過招」的二人，由於是典型俊男美女配，瞬間在網絡引發激烈討論及正評，網民大讚二人互動甚有火花；外貌酷似謝霆鋒的 Oswald，被指 Overall package 極佳，成功彈出成為「求愛勇者新寵」，網民：「呢 Pair 有驚喜，會想睇佢哋點發展」、「好有火花，真係高手過招」、「想星妤揀 Oswald，Oswald 有家底浸過咸水，外型+內涵係咁多個之中最高質」、「靚仔靚女好襯」、「Oswald 其實仲靚仔成熟」、「Oswald 好有型，成個空少一樣」、「Man 啲、and more handsome」。

+5

+4

點擊圖片放大

挨心口 30 秒指尖觸唇掩嘴 Oswald 溫柔撥髮冧爆陳星妤

說回昨晚互動，二人先是挑戰「挨心口 30 秒」遊戲，Oswald 一句「Come here」，即化解了星妤不知如何開始的困惑，甚有大將之風，而星妤收到「指令」後，亦大方地將頭直接靠上 Oswald 心口，二人均相當爽快。為了幫星妤爭勝，Oswald 默默為其數數字，但未知是否想靜靜地感受粉紅氛圍，星妤伸出手指輕觸 Oswald 嘴唇並做出掩嘴手勢，Oswald 即醒目地回了一句：「我信你」，默契十足。

+3

+2

點擊圖片放大

之後星妤繼續打直球：「你好唔好奇點解我揀咗你」，令人驚喜的是 Oswald 此時輕輕出手幫星妤整理額前頭髮，既溫柔又曖昧，引發花生團無限尖叫，而星妤給出的理由是：「我見你有做運動，同埋有可能即係……You look a little bit like my ex。（你有少少似我前度）。」Oswald 聞言開心大笑，星妤此時再出招：「你隻眼大啲」，令二人再度開懷甜笑。

+3

+2

點擊圖片放大

視線甜移嘴唇使出捧面殺 Oswald 心跳狂飆 24 下

由於 Oswald 是被星妤「召喚」而非主動走出來求愛的勇者，星妤當然想搞清楚自己是否「totally out of」男方選擇，Oswald 一句毫不猶豫的「No! of coz not」，即令星妤無限甜笑，兼將視線「甜移」男方嘴唇，Oswald 全程只懂傻笑回應，令花生團關嘉敏肉緊到郁晒手仔：「點解佢（指星妤）會望住人哋嘅口講嘢嘅？」、「好似想嘴落去咁」、「呢個男仔都冧冧地！」李芷晴則爆金句：「好似高手過招咁。」

之後，星妤與 Oswald 大講運動經，談到開心時，又情不自禁向 Oswald 使出「捧面殺」，成功令 Oswald 笑晒口兼點頭覺得與星妤好夾，並爽快答應可教星妤打網球。觀乎整個電話亭，向來心跳指數屬穩定型的 Oswald，一下子上升了 24，比起超怡的 10 是 2.4 倍升幅，足見他對星妤較心動，關嘉敏見狀又食晒花生：「佢已經墮入咗愛河喇我想講。」

Oswald 事後亦對星妤讚不絕口：「Quite cool, quite easy-going, seems quite active very nice lady, 個 vibe 會 strong 少少。（佢幾好，幾易話為，幾活躍主動，係好好嘅女仔。同佢嘅氣氛會強少少。）」至於星妤，亦直指揀 Oswald 除因似前度有熟悉感，亦因為自己鍾意哥哥：「我都鍾意男仔照顧到女仔，又唔會爭太遠，當然佢個樣都 ok 啦。」