璀璨之城角色｜蔡一智罕演暴怒老粗發狂毁蔣家旻容！鏡頭外狂Say Sorry：我平時唔係咁
台慶劇《璀璨之城》陣容強大，甚少參演電視劇的蔡一智今次為劇集交出極大突破！昨晚（29日）劇情講述飾演「湯信義」的他，因發現弟婦蔣家旻偷食，一秒暴走化身「暴怒老粗」，以鐵板及酒杯毒打對方至毁容！雖然戲內狠毒無情，但阿智在接受訪問時卻大爆自己其實極度緊張，每拍完一個鏡頭都要狂Say Sorry，極力澄清「我平時真係唔係咁嘅人」！
蔣家旻背夫偷食斷正 慘遭蔡一智毒打毁容
劇中蔡一智飾演的湯信義是一名充滿江湖味的「弟控」。昨晚劇情高潮落在信義發現弟婦Celia（蔣家旻飾）背着細佬Felix（周志康飾）偷食後，怒火中燒。起初他強忍怒火笑面迎人，當Celia行近時，他瞬間變臉，以極陰沉的語氣怒吼：「我叫你過一過嚟！」隨即以鐵板及酒杯向Celia發動無情攻擊，甚至將對方打至毁容。阿智演活了那份痛心細佬的義氣與暴戾，令觀眾睇到眼都凸。
「弟控」上身一秒變臉 暴怒狂毆黃子恆
除了對付蔣家旻絕不手軟，阿智連「姦夫」黃子恆亦照打可也，暴打場面要幾狠有幾狠。阿智將「弟控」屬性拿捏得極為立體，每次對着細佬周志康都展現出痛愛與義氣，轉頭面對背叛者卻心狠手辣。阿智直言角色極具挑戰性：「我私下好少咁粗魯，尤其係對女士，今次做盡一切我平時唔會做嘅嘢，相信畀到觀眾好大新鮮感。」
親自拆解暴打戲內幕 狂Say Sorry怕被當惡人
雖然打得兇狠，但阿智坦言拍攝這場「毁容戲」時壓力山大！他透露事前與Angel（蔣家旻）及武術指導反覆試位多次：「如果整親女仔塊面簡直係滔天大罪，所以我哋真係make sure好安全先埋位。」搞笑的是，由於阿智與劇組演員不太熟絡，為了保住自己的人格，他每拍完一個鏡頭就立刻向Angel和子恆道歉：「我都要同對方強調一次『我平時真係唔係咁嘅人』，驚佢哋誤會以為我咁惡呀！」
港生活人氣娛樂新聞
↓【請您玩】北角匯「美食拼豆樂工作坊」！加送商場購物禮券！↓
邊食、邊玩、邊打卡～～
↓【限時搶⚡】暖心芝作HK$20現金券↓
↓品嚐黑芝麻香醇濃郁滋味、多款產品任你揀↓
U GO 本週好去處
