女神配對計劃2｜郭珮文曾委屈自己忍受Ice與異性相處 網民讚心地善良：夠Real唔扮嘢

Ice「零邊界感」惹公憤 阿Ju心碎崩潰自我催眠 

在主題公園的水上遊戲環節中，男參加者Ice的舉動引發極大爭議。為了在比賽中爭勝，他竟毫不避忌地與另一組的女星Yvette（陳星妤）瘋狂「咬耳仔」，甚至親手為對方按摩！這一切讓早已與Ice配對的阿Ju看在眼裡，醋意大發。好友Amber更直指問題核心：「拍拖都一段時間，佢仲會做呢啲，證明呢個問題一路都存在。」面對旁人點醒，阿Ju竟選擇卑微屈就，連說三次「係我嘅問題」企圖催眠自己，令人心痛。

點擊圖片放大

梁敏巧肉緊點醒 Preston霸氣護花獲讚「型到核爆」

阿Ju的委屈瞬間觸動了第一季「師姐」梁敏巧（Maggie）的神經。Maggie直斥其非，肉緊地勸戒：「你覺得你唔舒服吖嘛，咁唔係就到咯，係你喺度忍受緊，你喺度虐待緊自己呀！」眼見阿Ju恍然大悟，一直默默守護的追求者Preston亦發動攻勢，除了溫柔勸她不要犧牲自己的「well-being」，更追加一句超霸氣承諾：「安全感呢樣嘢我一定俾到你！」此言一出，大批網民隨即暴動，狂讚Preston「型到核爆」，人氣一夜急升！

點擊圖片放大

 網民激讚阿Ju夠真性情 寧輸比賽保友誼

經歷「邊界感」風波後，阿Ju終於學懂「錫自己」，坦言：「今日大家竟然話畀我聽呢樣嘢ok喎，我可以介意一下呢件事。」這份真實而不造作的性格，加上她在水上混戰中，為了不弄傷對手Roxanne及Mandy而寧願留力輸掉比賽的舉動，贏盡全網好感。大批網民留言力撐：「郭珮文人品不錯，心地善良」、「幾中意阿Ju咁Real唔扮嘢」，直指Preston絕對有機會後來居上！