美食強人｜$388天價「黯然銷魂飯」惹極大爭議！李金凱嘆食唔起鼎爺狠批廣州五星級
一碟叉燒煎蛋飯，究竟值幾錢？TVB節目《美食強人》今集上演「黯然銷魂飯」終極大戰，戰火蔓延至中港兩地的五星級酒店！當中一間位於尖沙咀的五星級酒店，竟推出盛惠 $388 港元的「天花板黯然銷魂飯」，破格天價瞬間在評判團中引爆激辯！有人大讚物有所值，亦有評審直言高攀不起，到底這碟「天價叉燒飯」是物超所值，還是純粹食水深？
$388 維港海景叉燒飯 黎諾懿激讚：我願意畀！
這碟索價 $388 的尖沙咀五星酒店「黯然銷魂飯」，主打極致奢華：除了有無敵維港海景「送飯」，更選用最高級的意大利雞蛋，並配以蘋果木煙肉油及火槍燒炙技術。面對如此高昂的定價，黎諾懿試食後激讚細節滿分，直言油香令整件事昇華，認為這口價「值得畀」。股評人胡孟青亦表示，單是對著國際級靚景食飯，已經值回票價。
李金凱高呼養唔起 名廚反擊撐創新
不過，並非所有評判都賣帳。李金凱就打趣拋出「富家女論」：「好想回頭去食，但我唔敢，好似同一個富家女談戀愛，我好愛你，但係我養你唔起吖嘛！」直指價錢離地。面對爭議，名廚邵德龍則霸氣護航，認為外界接受傳統柴火燒叉燒轉用煤氣，就應該包容廚師用火槍創新的心血，呼籲大家打破框架：「我敬佩個師傅，我哋應該多啲鼓勵！」這番言論成功贏得全場掌聲。
鼎爺發火！狠批廣州酒店「和尚戴帽」
相比起香港的 $388 天價飯，廣州五星級酒店售價約 $57 港元的叉燒飯卻慘遭滑鐵盧。皆因大廚將傳統的「煎蛋」換成了「奄列」，即時觸動了李家鼎（鼎爺）的神經！鼎爺毫不留情狠批：「個蛋冇脆邊，整個和尚戴帽你話Buy唔Buy喇！」連內地食店主理人「飯冰冰」亦坦言唔OK，只能打圓場力撐該酒店的「點心蝦餃一絕」，場面一度充滿火藥味。
港生活人氣娛樂新聞
↓【請您玩】北角匯「美食拼豆樂工作坊」！加送商場購物禮券！↓
邊食、邊玩、邊打卡～～
《U GO》請您去亞洲戶外寵物節！🐾
人寵運動體驗＋精品美食咖啡✨
U GO 本週好去處
