美食強人｜中港創意漢堡爭霸戰方力申360度探店！陳豪爆走音爛Gag 激到龔嘉欣當場反白眼

文: 吳佳雅

3小時前

TVB飲食節目《美食強人》今明兩集（6及9日）迎來極具爭議的「漢堡」GBA爭霸戰！星級食評家方力申、呂慧儀及「飲食 KOL」細 John 輪流發功點評四間中港長龍店。其中一間位於順德的漢堡店大搞中西合璧，首創「三年陳鯪魚滑牛乳芝士漢堡」，引發評審團兩極大激辯！節目中陳豪更為了這款奇特漢堡連環爆出走音爛 Gag，激到拍檔龔嘉欣當場反白眼，場面極度失控爆笑！

鯪魚滑配牛肉極破格陳豪走音爛Gag重擊龔嘉欣

今 Round 參與 GBA 評級的四間漢堡店，價錢由 $56.4 到 $275 不等，當中最惹人注目的絕對是順德代表「三年陳鯪魚滑牛乳芝士漢堡」。這款漢堡破格地將順德「非遺」鯪魚肉、大良牛乳，混入子薑、檸檬葉及牛肉之中。

面對這個奇異組合，陳豪大感驚奇，更向現場評審搞爛 Gag：「呢個配搭究竟係夠薑定係有啲娘呢？」、「順德要加鯪魚，咁大澳咪要加鹹魚？」他更以馳名的「走音 Tone」反問：「Why not？」引發全場爆笑，龔嘉欣更被「重擊」至無奈反白眼，而陳豪則自滿地鞠躬致意，綜藝效果拉滿。

創意漢堡引爆兩極評價細John狠批：牛肉冇晒味

這款 Fusion 漢堡隨即引爆評審團的極端兩極評價。香港四季酒店行政餅房主廚 Ringo 與劉洋均給予高度評價，劉洋更形容有「鯪魚跟牛肉談戀愛」的感覺；「人氣星級兩餸飯主理人」梁智聰更大讚：「呢個Burger係我拍呢個節目覺得最驚喜一間。」

點擊圖片放大

不過，「飲食 KOL」細 John 卻對此大唱反調，狠批這款漢堡令人失望（disappointing）：「加咗咁多嘢之後，就變咗個牛肉冇晒味喇，牛肉對我嚟講係 burger 入面最重要元素，我當日個包亦有啲overcooked。」雖然口味各有喜好，但評審李金凱就發言力撐廚師的心血：「我哋唔可以討好所有人，但我哋可以遇到鍾意你嘅意中人。」此番言論贏得全場掌聲。