星二代煮飯仔｜黃長興12歲大女Paige激罕曝光！鐵漢老豆不捨愛女爆淚光感觸吐心聲
「香港先生」出身的型男黃長興，向來給人硬朗及廚藝精湛的印象，不過面對「前世情人」，鐵漢也有融化的一日！近日黃長興帶同 12 歲大女晞桐（Paige）罕有亮相 TVB Plus 節目《星二代煮飯仔》，Paige 更越級挑戰炮製極具難度的藍帶法國菜。目睹愛女暴風長大兼表現獨立，長興竟然一改猛男形象，在鏡頭前感觸得「眼濕濕」泛起淚光，更自爆極度不捨得囡囡太快長大，一番慈父心聲瞬間擊中全港父母的共鳴！
12歲大女激罕亮相 越級挑戰藍帶法國菜
向來有「藝人廚師」美譽兼對法國菜素有研究的黃長興，今次派出 12 歲大女 Paige 擔任節目嘉賓。Paige 盡得父親識飲識食的優良基因，今次更聯同主持焦浩軒（「艾頓壯」）前往跑馬地街市買餸，挑戰炮製集蒸、炸、焗於一身的經典法國菜「藍帶雞肉捲」（Cordon Bleu）。雖然長興謙稱囡囡煮食經驗尚淺只值「兩粒星」，但 Paige 卻自信爆棚反認自己值滿分「5星」，父女互動極度惹笑。
鐵漢老豆突感觸眼濕濕 不捨愛女暴風長大
面對這道難度極高的菜式，長興亦緊張得慈父本色盡露，不時在旁肉緊提點。不過當長興接受訪問時，提到見證囡囡成長，這位硬漢竟突然感觸起來：「見到佢咁獨立，開心嘅。但又覺得眨下眼就 12 歲喇，有時睇返佢細個啲相，啲時間好似好快脆。」言談間長興兩眼更泛起淚光，直言私心希望囡囡不要太獨立：「其實自己可能唔捨得佢咁獨立會仲開心，因為可以陪住佢多啲。」畫面極度催淚。
拒絕傳統嚴父形象 鏡頭後坐大髀極親密
雖然 Paige 表現獨立，遇到問題會自己想辦法解決，但私底下兩父女的關係卻如糖黐豆般甜蜜。主持「艾頓壯」大爆兩人在鏡頭背後不時偷食，Paige 更會豪不避忌地坐在長興的大髀上。長興坦言自己拒絕做傳統嚴父：「以前一代父母比較傳統，唔敢展示佢哋嘅愛。去到我哋呢代，可以話返畀爸爸媽媽知，我哋係好愛佢。」完美展現充滿愛的現代父女關係。
港生活人氣娛樂新聞
↓ U Lifestyle App賞您置富Malls x TETEUM「熊」抱暖冬不見不傘 ↓
↓ 傘面鋪滿畫風治癒的韓國人氣IP ↓
↓【限時搶⚡】暖心芝作HK$20現金券↓
↓品嚐黑芝麻香醇濃郁滋味、多款產品任你揀↓
U GO 本週好去處
