TVB《女神配對計劃 2》第 11 集水族館約會中,關經翰(Oswald)面對陳星妤(Yvette)的試探毫不退縮,以「不如我問番你」反客為主,尖銳追問她與相識十幾年的李爾晨(Kyle)是否仍有機會一齊,逼得 Yvette 當場嘟嘴,更趁機大派定心丸霸氣示愛!
Oswald 反客為主直擊 Kyle 關係 強攻期間派定心丸技驚四座
面對 Yvette 的連環發問,Oswald 亦不是省油的燈,未幾即以「不如我問番你」進行反攻,並直擊重心探索 Yvette 與 Kyle 關係:「你同佢識咗十幾年,冇預過一齊咩?」、「你覺得你同 Kyle 係咪仲有機會一齊?」
尖銳程度一度令 Yvette 嘟晒嘴,更啜核的是,Oswald 強攻期間,不忘搵機會向 Yvette 大派定心丸:「I hope I make it clear, at least(意指我對你有意思)我真係上嚟答你問題嗰吓!」
事後 Oswald 又讚 Yvette「好 Brave」、「好主動」兼「有 Loyalty」,兩人雖然探討著極為嚴肅的感情話題,卻表現得從容自在,一來一往笑住「槍來劍往」散發出極強的粉紅泡泡感。











