打邊爐湯底包推介︱打邊爐湯底包推介︱打邊爐湯底自製︱秋冬季節來臨,又是相約三五知己圍爐享受火鍋的最佳時機!曾有網民發起「最喜愛火鍋湯底殘酷二選一」投票,集合16款熱門火鍋湯底進行多輪淘汰賽,吸引累積過萬人次踴躍參與。最終麻辣湯底奪冠,但同時有網民反擊,重口味湯底只會掩蓋食物原本的味道,另1款湯底才是「王道」!
打邊爐湯底推介
打邊爐湯底推介︱打邊爐什麼湯底好?網民評選1湯底奪冠!
天氣轉涼,又是相約三五知己打邊爐食火鍋的最佳時候啦!不過打邊爐什麼湯底好?曾有網民在連登討論區發起「最喜愛火鍋湯底殘酷二選一」投票及討論,吸引數千名網民踴躍參與。
是次投票集合了16款港人最常點的熱門火鍋湯底,並採取一對一淘汰制。屆時累積過萬人次投票,而首輪賽事亦相當激烈,多個經典港式湯底均早早出局。
打邊爐湯底對決︰麻辣vs.藥膳
在「重口味」和「養生派」的正面交鋒中,支持麻辣湯底的網民激讚「麻辣+鴨血豆腐無敵!」,愈煮愈惹味。
不過「藥膳派」亦不甘示弱,有網民表示「藥材湯加醉雞冇得輸,湯包去藥材買就搞掂!」
投票結果︰麻辣(6,173票)vs. 藥膳(2,316票)
打邊爐湯底對決︰花膠雞vs.沙嗲
沙嗲湯底擁躉堅稱「香港人識食一定食沙嗲,沙嗲世一!」但另有網民反映「沙嗲湯底根本劣食!搶走晒啲食材鮮味」、「見到個湯都唔想食,油到X街」、「越滾越難食,仲會痴底!」、「沙嗲湯真係一定要食方榮記,但食多2次就要洗腎」。
而另一邊廂,支持花膠雞的網民則認為「要皮膚好就咪打邊爐,但花膠雞係好味啲!」更有網民精闢分析兩者優劣「短途沙嗲——的確係好好食,尤其食牛肉係港式邊爐嘅代表風味,但食多幾下會快膩;長途花膠雞——雖然清淡啲,但一開始有啖湯飲下,食到未都唔會太悶。」
投票結果︰花膠雞(4,681票)vs. 沙嗲
打邊爐湯底對決︰昆布vs.牛奶
而在日式湯底內訌戰中,支持昆布湯底的網民普遍認為,昆布湯底清澈鮮甜,最能帶出海鮮和肉類的原汁原味,「無論涮什麼食材都不會出錯,吃到最後也不會覺得口渴。」
至於牛奶湯底,有網民認為「湯底奶香濃郁,煮蔬菜和烏冬特別滑溜」,但亦有不少網民表示「牛奶湯底愈滾愈容易起泡和黏底,吃到中段便會感到非常膩滯。」
投票結果︰昆布(5,883票) vs. 牛奶(1,283票)
打邊爐湯底對決︰蕃茄vs.冬蔭功
酸甜開胃的蕃茄湯底使不少網民紛紛高呼「番茄世一!」更有網民分享自家製秘訣「自己炒蕃茄湯底好正,又簡單」、「自己整,加薯仔加豬骨,煲耐d就得。」
不過,亦有網民無奈指出坊間餐廳質素參差,直言「蕃茄真係冇一間整到好食。」
投票結果︰蕃茄(5,282票) vs. 冬蔭功(1,765票)
打邊爐湯底對決︰豬骨vs.豉油
作為經典港式湯底之爭,一眾豬骨湯底支持者紛紛留言力撐「痴線!梗係豬骨湯 ,最好有埋個筒俾你啜,灼菜灼牛超正!」「最好味一定係豬骨湯底,食到食材既鮮味,係D垃圾食材先要麻辣湯底」、「唔洗諗,豬骨世一!」
亦有網民總結「中式就豬骨湯,日式就昆布湯。」
投票結果︰豬骨(6,137票)vs. 豉油(876票)
打邊爐湯底對決︰麵豉vs.泡菜
對於麵豉湯底還是泡菜湯底,有網民直言「試過麵豉湯底打邊爐,勁唔開胃。」但亦有泡菜派網民附和指「泡菜湯底酸酸辣辣,用來配五花腩和公仔麵才夠惹味!」
投票結果︰麵豉(2,886票) vs. 泡菜(1,678票)
打邊爐湯底對決︰椰子vs.香茜皮蛋魚片
大批「芫荽控」網民激讚「首選一定係芫茜皮蛋」、「識食梗係芫茜啦」、「依個真係無限!勁有味但唔會油」、「以前細個打親都係芫荽皮蛋,都不知幾好。啲料好食嘅話,根本唔駛攪咁多嘢」、「香西世一!一定要出去自助bar加曬落去!」
投票結果︰椰子(2,866票) vs. 香茜皮蛋魚片(2,793票)
打邊爐湯底對決︰壽喜燒vs.胡椒豬肚
網民紛紛大讚「壽喜燒湯底加隻蛋點牛肉超正!」「隻蛋真係會錦上添花,要一淥完牛肉即刻隊落蛋度又唔會辣親咀咁食,超正!」「壽喜燒湯底世一又甜甜地,食完又唔會好漏,配牛真係好正!」「壽喜燒必勝!平時自家邊爐,鏗魚汁+味啉+料理酒,再加一條辣椒仔,正到爆!」
投票結果︰壽喜燒(2,938票) vs. 胡椒豬肚(1,938票)
打邊爐湯底推介︱麻辣湯底險勝豬骨登「網民最愛火鍋湯底寶座」
晉級至第二輪及第三輪後,「麻辣湯底」先後淘汰「沙嗲湯底」及「壽喜燒湯底」;而另一邊廂,「豬骨湯底」亦先後擊敗「蕃茄湯底」及「昆布湯底」,成功殺入決賽!
第二輪投票結果︰
麻辣(527票)vs. 沙嗲(236票)
蕃茄(269票)vs. 豬骨(454票)
香茜皮蛋魚片(246票)vs. 壽喜燒(467票)
昆布(537票)vs. 麵豉(124票)
第三輪投票結果︰
麻辣(276票)vs. 壽喜燒(213票)
豬骨(373票)vs. 昆布(105票)
而在最終在終極對決中,「麻辣湯底」以405票對282票力壓「豬骨湯底」,登上「網民最愛火鍋湯底」寶座!
「清湯派」反擊︰靚食材只需一鍋清水!
儘管如此,有「清湯派」及「清水派」網民留言平反,直指重口味湯底只會掩蓋食物原本的味道,更直言「清湯先係王道!」
有網民表示「屋企打邊爐清水打,主打海鮮,少少靚手切牛,完全唔會食垃圾加工食物例如丸類,臨尾個湯底勁鮮甜冇油,落麵類埋尾」、「食材新鮮正的話,一兜清水點辣椒豉油已經夠做」、「一定係偏清嘅湯底先好食、先會食到啲食材係咪靚,特別肉同海鮮,濃味個啲比啲僵屍肉你食都唔知啦!」
註︰以上內容整合自連登討論區(LIHKG)網民投票及留言,有關言論僅代表網民個人口味及意見,只供參考及消閒娛樂之用。
資料來源︰連登(最強湯底)、連登(最喜愛火鍋湯底殘酷二選一)















