上環$138英式早餐賣相惹熱議!多士焦黑如炭 性價比被質疑!網民嘲:食多幾餐生Cancer

文: 黃樂恩
6小時前

一份英式早餐索價逾百元,賣相卻令人大跌眼鏡?近日有港人在討論區以「咁樣一份早餐138,點睇?」為題發帖,分享上環一間懷舊冰室的早餐照片,其中一塊多士竟呈焦黑色,惹來網民熱議,有人狠批賣相欠佳,亦有人質疑定價過高,甚至有人反駁餐廳已列明價錢及食物內容,認為「明碼實價,願者上鈎」。

上環$138英式早餐曝光 多士焦黑似炭惹關注

有港人近日於連登討論區發帖,標題為「咁樣一份早餐138,點睇?」並上載餐廳菜單及餐點照片。從菜單可見,餐廳主打現點現做的英式早餐,提供Small、Regular及Bad三種份量選擇,配料包括西班牙辣肉腸、茄汁焗豆及XO醬大啡菇等。

不過,最惹人注目的卻是一塊呈深黑色的烤多士,旁邊僅附有一小盒奶油及餐巾紙。另一張照片則可見一份英式早餐,包括兩顆太陽蛋、香腸、血腸、培根、薯餅及深色菇類配料,配上一杯黑咖啡,惟該份早餐的多士並無焦黑。

網民睇相嚇親 質疑多士燒燶仍索價$138

照片曝光後,不少網民對焦黑多士感到驚訝,紛紛留言問:「黑色嗰兩塊係咪蚊餅」、「黑色咩醬嚟」,亦有人猜測深色配料究竟是大啡菇還是血腸。

有人更狠批食物賣相,形容是「黑焦多士配黑焦醬,致癌三寶」,又質疑多士已經燒燶,為何仍然端上桌。但亦有人質疑樓主用意:「多士黑到咁,點解仲會咬一啖?」

網民留言

網民嫌$138定價太貴 嘲早餐賣相似「壞咗」

除了多士焦黑問題,亦有網民認為整份早餐定價偏高,質疑以$138的價錢,理應有更豐富的配料及更佳賣相,直言同樣價錢在其他餐廳至少可以吃到煙三文魚及沙律菜,「蕃茄都無,多士是但一間茶記都好過佢」、「人地138起碼都有兩塊三文魚沙律菜」。亦有人將其與英國倫敦的All Day Breakfast比較,認為價格甚至更貴,更笑稱「又真係壞咗嘅早餐」。

網民反駁明碼實價 笑言「寫明BAD驚你投訴」

不過,亦有網民認為餐廳已清楚列出菜單及價錢,消費者可以自行決定是否光顧,毋須過分批評,「人哋都寫咗有乜食,你都仲係俾$138人哋,有乜好講?」亦有人認為做生意講求供求,只要有人願意付款,餐廳便有市場。

有網民則借餐點名稱開玩笑,表示:「寫明BAD,唔通比份靚靚仔仔你咩」、「講到明bad breakfast,太good驚你投訴」,以幽默方式回應早餐賣相爭議。

來源:連登討論區

↓U Lifestyle App大派健之堂無火艾灸穴位貼↓

↓一貼即通、告別肌肉僵硬同疲勞↓

↓一貼即通、告別肌肉僵硬同疲勞↓

↓【Chill賞芝麻祭🎁】送您驚喜黑芝麻獎賞✨↓

↓ 一連5星期!約定您一齊捕捉限時搶‼️↓

↓ 一連5星期!約定您一齊捕捉限時搶‼️↓

U GO 好去處推介