暮煙做尼姑?大尉跳女團舞?《太陽》結局4個必睇位

神劇《太陽的後裔》大結局昨晚正式出街，觀眾最開心的莫過於見到「劉大尉」宋仲基唔使死，他和「姜醫生」宋慧喬，及配角「徐大英」晉久和「尹中尉」金智媛，兩對情侶都happy ending，令觀眾睇得高興，大結局延續高收視氣勢，製造出四大必睇位！

1) 勁錯亂！姜醫生重遇劉大尉竟說要尼姑

姜醫生在沙漠預備拜祭劉大尉之時就見到劉大尉出現，令她既驚又喜，兩人即時深情擁抱，不過姜醫生一度懷疑是否自己精神錯亂出現幻覺， 所以一時踎低喪喊，一時狂打劉大尉，一時話要做尼姑，不過最後都係窩心相擁向對方講「我愛你」，導演刻意將這幕以非常跳躍，又看似跟前後不連接的方式剪接，表達出姜醫生當下複雜的心情。

2) 勁洋蔥！小鮮肉軍人重遇恩師

大難不死的徐大英去到烏魯克尋找女友尹中尉，在營地中亦重遇部下兼特別愛惜的後輩金起範，起範昔日因為大英緣故臨崖勒馬，重返正途，如今已經在烏魯克軍營中擔任副小隊長，當見到大英平安歸來，都忍唔住在手足面前留下男兒淚。

3) 勁可愛！時鎮大英跳女團舞

劇中時鎮和大英各自瞞住女友參與軍隊的勞軍活動，韓國人氣女團Red Velvet粉墨登場，而時鎮和大英即時化身宅男粉絲，舉橫額瘋狂應援之餘，又跟住Red Velvet跳舞，兩人跟足女偶像扭腰扮可愛，當然超級搶鏡！

4) 勁放閃！兩對情侶咀不停

先有徐大英和尹中尉在雪中重逢一咀，尾段在軍隊飯堂再度放閃，兩人談論到大英之前預先所寫的遺書令尹中尉相當感動，之後大英更Man爆咁喺飯堂下令軍階低過自己的同袍要閉上眼，不準偷看自己親吻女友額頭，不過尹中尉都不甘示弱，同樣下令軍階低過自己的同袍閉上眼，她更主動走動大英前深情擁吻，浪漫度爆燈！

至於主角劉大尉和姜醫生就在尾段重返烏魯克的破船海灘，他們先大講情話和浪漫觀星，後來見到流星的姜醫生就許願話希望可以得到劉大尉一吻，如此開到聲，劉大尉當然深情獻吻，他們更咀足兩次，相信粉絲們都睇到心跳加速！ 

圖：Viu截圖