盤點男星愛的宣言　港女最冧「太空船論」

近日林海峰（Jan）完成在紅館舉行的個人騷《是但噏廣東話》，放笑彈之餘更大放催淚彈，尾場在台上對老婆彭羚發表愛的宣言，表示自己昔日於TVB化妝間遇上彭羚已經一見鍾情，認定對方為另一半，感謝老婆說：「因為有佢先有我」，令台下的彭羚感動爆喊，阿Jan這位好老公實在識做！除了阿Jan，娛樂圈過往有唔少「星級好老公」於不同場合發表愛的宣言，當中邊句令你最感動、最難忘？

劉青雲

劉青雲和太太郭靄明堪稱圈中模範夫妻，人前人後都非常恩愛，去年青雲憑《竊聽風雲3》再獲金像影帝殊榮，當時他的「太空船」得獎感言就成功冧暈全港女性，他多謝太太：「每次當我揸住太空船，飛到宇宙唔知邊度時，你總有辦法令我安全返嚟地球。」郭靄明於台下都聽眼紅紅。

古巨基

剛剛過了結婚兩周年紀念的古巨基，日前於Facebook寫下甜蜜告白，並上載與老婆Lorraine手搭住手的照片，獲三萬網友勁like，基仔說：「結婚2週年。老婆：『已經兩年了⋯為什麼我感覺還是像剛剛結婚那時的感覺呢～』我：『因為我疼妳嘍～』⋯⋯肉麻～」

張繼聰

近年活躍於電視界的張繼聰，於2014年TVB《萬千星輝頒獎典禮》獲頒「飛躍進步男藝員」，他除了感謝合作過的工作人員，亦感謝家人的支持，而他特別提到太太謝安琪（Kay）：「多謝佢讓我每一日臨瞓前同擘大眼都見到一啲好靚嘅嘢。」阿聰間接稱讚太太的美貌即時引起全場歡呼。

王祖藍

藝人王祖藍和老婆李亞男這對「長短腳之戀」令不少人羨慕，兩人去年二月於教堂舉行婚禮時，祖藍的誓詞同樣十分感人：「你係上帝派來的天使，感謝你嘅愛圓滿了我嘅生命。我愛你，但我嘅愛並不完美，我願意用我嘅餘生，與你一齊喺上帝裏面學習咩係愛。縱然我哋都係罪人，但我哋嘅感情充滿恩典，但願我哋嘅婚姻能夠被神使用，從今以後，我會專一服侍你，正如我專一服侍神一樣。」

其他精彩熱話：

>>>觀塘綫延綫起成點？何文田站、黃埔站有圖睇

>>>Andriod、iOS都用得！400多款迪士尼Emoji可愛登場

>>>「幕後黑手」郭鋒、TVB御用賊王！《寒戰2》綠葉位位搶鏡