正在閱讀
解凍就食得?759新品叮叮粟米忌廉粒

解凍就食得?759新品叮叮粟米忌廉粒

2016.08.01

零食以外,759阿信屋經常都會引入來自世界各地的急凍食品,繼上次伏伏哋的「叮叮章魚小丸子」後,小編再次試食!

今次試食的新品是MARUHA 吉列粒粒超甜粟米忌廉塊,由日本直送,一包有8粒,公價$33。除開每粒約$4,跟平日的街頭炸物差不多。

產品聲稱選用經過糖度管理的粟米,食落特別香甜,打開包裝已傳來濃濃的粟米湯味。粟米忌廉塊的特別之處,在於食用方法,進食前可選擇以微波爐加熱,或放於室溫下自然解凍後直接食用。

雪到冰粒般硬,解凍後即食真係得?試過就知!

1. 先試叮叮加熱版

先將一半(4件)粟米忌廉粒放入微波爐(800w)叮1分鐘,加熱後微微爆餡,超香超creamy,味道十足十平日飲的粟米湯(偏鹹)。

不過以微波爐加熱外層做不到香脆效果,而且熱力將油分逼出,都幾油。如果要做到香脆效果,應該都要用焗爐先得…

2. 自然解凍版

按照包裝上的指示,將食品放於約20度的室溫下2.5小時,待粟米忌廉粒完全解凍。解凍後的粟米忌廉粒質地明顯變軟,與「叮熱版」差不多,吉烈皮同樣不脆,唯一不同的是表面油分比較少。

餡料方面,相比之下「自然解凍版」的粟米忌廉餡不夠creamy,而且香味亦被比下去,食落味道則就無太大分別,自然解凍真係得!

日本人帶飯盒不習慣「叮飯」,無餸時放幾件急凍粟米忌廉粒都幾方便;不過「自然解凍」食用方法似乎不太適用於習慣「叮飯」的我們,而且解凍時間相當長,期間可能會有細菌滋生,還是叮熱比較好。