熱愛優質生活
首頁   \   生活小百科   \   去舊迎新!大掃除最應該狠心丟棄的7大物件

去舊迎新!大掃除最應該狠心丟棄的7大物件

2017.01.24

  「年廿八,洗邋遢」又到了大掃除時間,各位開始了這項龐大的工程未?正所謂去舊迎新,想輕鬆大掃除好簡單,首要秘訣是要捨得!只要狠下心腸,就可以清走好多無謂東西。以下七大物件你未必再用,但往往覺得「有機會有用」而越積越多,一於趁今個新年來個大掃除吧!


1.字典/雜誌/筆記
相信大家求學時期都會儲儲埋埋好多字典、筆記、教科書等,其實出來工作後你又幾可拎返起本書、筆記睇? 更不要說你會查字典!一於捐給有需要人士或廢紙回收箱。



2.過期化妝品/護膚品
有時因為旅行而購買太多自己未用過的化妝品、護膚品,最後可能因唔啱自己的膚質而用兩下就算,儲落都有不少產品,特別是已開封的化妝品和護膚品,如過晒期、變色就更加不要考慮!如果唔想浪費,亦可以試下DIY成有用東西。延伸閱讀:《過期眼影用到盡! 西洋書法寫出珠光閃字

3.甩色收據
買野撳機積落不少收據周圍飛,睇真啲仲甩晒色....到底留底的意義是...?最治本方法當然是由減少拎收據吧!


4.月結單/賬單
每月收來的月結單都掉埋一邊,唔想次次清得咁辛苦,其實改用電子月結單或賬單更環保和方便。


5.舊月歷/座枱曆
剛踏入2017年,你屋企或家中的2016年月曆掉咗未? 


6.不合身的衣物
拎住一件不合身的衣物,總會想之後瘦身後再著返,但事實是下一次再講同一句說話欺騙自己。如果你有同樣的經歷,即代表係時間丟棄佢哋喇!其實不少品牌都有衣物回收計劃,捐出清潔的衣物後還可獲得優惠券。延伸閱讀:《過年前回收舊衣物!5大時裝品牌幫到你


7.衫牌
買完新衫都會剪牌,然後就周圍掉無咗件事,話唔埋唔少角落都會搵到佢哋的蹤影。

唔想次次掉得咁辛苦,購物前多三思避免造成浪費!祝大家有個愉快的農曆新年!

下篇:  新年前要學識!白鞋清潔3大方法

內容評分
評語