《星聲》硬撼「星爺」!賀歲檔期7套精選電影

文: 王庭芝
2017.01.27

農曆新年除了拜年,似乎都唔多節目選擇,因為唔少店舖都在新春期間休市,而睇電影就成為其中一個新年期間最好消遣節目,今個農曆新年檔期又有甚麼電影選擇?一齊睇睇今個農曆新年檔期的7部電影推介啦!

 

《星聲夢裡人》

《星聲夢裡人》橫掃金球獎7個大獎,而最新公布的奧斯卡提名名單中,亦以14項提名平了《鐵達尼號》的紀錄,電影憑靚人靚景加好歌,於海外上映已經大獲好評,絕對是今個新年檔期其中一部最有話題性的電影之一!

 

《西遊伏妖篇》

2013年由周星馳執導《西遊降魔篇》成為該年賀歲片檔期大贏家,今年星爺與徐克聯手打造的《西遊伏妖篇》,幕前大換血,由內地人氣小鮮肉吳亦凡飾演唐三藏,林更新飾演孫悟空,亦邀請羅家英、田啟文等配音,相信笑料不減!

 

《魔海奇緣》

農曆新年又點少得一部合家歡動畫?迪士尼繼《魔雪奇緣》、《優獸大都會》後,全新動畫《魔海奇緣》,帶大家來一場海上奇幻冒之旅,廣東話版由人氣王張繼聰及宅男女神蘇麗珊配音,大人小朋友一樣啱睇。

 

《決戰食神》

大年初一上映的《決戰食神》將「12道鋒味」搬上銀幕,除了有謝霆鋒大晒廚藝,更會同韓國人氣男團CNBlue成員鄭容和上演廚藝對決,不過,兩位型男碰頭,相信對女粉絲而言鬥廚藝都是其次,鬥chok樣可能更吸引!

 

《小男人週記3之吾家有喜》

鄭丹瑞主演的《小男人週記》系列相隔27年推出第三集《小男人週記3之吾家有喜》,阿旦飾演的梁寬已經由「小男人」變成上市公司主席,雖然事業有成,但失去面對自己的勇氣,加上失去聯絡10年的女兒突然出現,梁寬又會如何重修這段關係?

 

《生化危機:終極屍殺》

電玩改編而成的電影《生化危機》系列來到第六集,今次原班人馬再度合作,女星米娜祖華域芝飾演的Alice返到喪屍危機爆發的起源地,與戰友聯手,展開終極一戰,今集的戰鬥規模更是《生化危機》電影系列中歷來最大、最瘋狂、最血腥,各位打機迷絕對不容錯過。

 

《魔獸戰車》

由《變種特攻》(X-Men)系列男星盧卡斯提爾(Lucas Till)主演的《魔獸戰車》,集刺激、搞笑和溫情於一身,故事簡單直接,怪獸的造型似是八爪魚的進化版,雖然說不上非常可愛,但尚算討喜,尤其是同主角selfie時竟然識得望鏡頭笑,確實得人鍾意。

 

 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓