最平$10有交易！3大連鎖快餐新增特價下午茶

最近3間連鎖快餐店龍頭，包括KFC、麥當勞、吉野家都推出下午茶優惠，最平$10就有個茶餐，無論是長期糧尾，抑或每日都要食下午茶先安落的朋友都啱用！Mark實以下優惠：

1. KFC

肯德基時不時都有電子優惠券供下載使用，付款前出示即可。

今期有超過20張Coupon，包括早餐及全日食品優惠，早餐最平$12.5；而小編就覺得葡撻比較抵食，2月28日前以優惠券購買，$10有兩個。

>>更多優惠券<<

2. 麥當勞

那邊廂KFC推出一系列優惠券，這邊廂麥當勞都再次帶來特價茶餐！由即日起逢星期一至五2pm-6pm，兩件脆香雞翼+一杯細汽水只賣$10，幾抵食！

*不適用於山頂、海洋公園、沙田馬場、跑馬地馬場、海富中心、香港國際機場離境大堂及抵港大堂之分店

3. 吉野家

吉野家早前推出黑松露芝士系列，不過一份就要四十多元。

由即日起，日式快餐店將於下午茶時段，推出特價版本，包括黑松露芝士牛肉/煎雞飯餐及黑松露芝士豚肉飯餐，細碗飯配日本茶分別售$28和$26。

*不適用於中港薈、紅磡置富都會及香港站分店