近年韓劇大行其道，每季都為劇迷帶來一齣齣主題創新又吸引的大熱劇集。上年跑出宋仲基朴寶劍，今年年頭大家都中孔劉毒，幻想吹熄蠟燭就有個oppa隨傳隨到。女生睇到「心心眼」，不過對於男士們卻睇到眼火爆，點解？
上星期播出的《男人講嘢》討論「韓劇毒」如何影響男女朋友的關係。主持抱怨女伴沉迷韓劇，灘叔分享身邊有朋友因韓劇而令夫妻關係變差，老婆顧住睇戲令夫妻間應有的生活都無晒。Thor似乎對韓劇不太反感，大讚宋仲基夠charm，可惜香港無軍隊，港男難以學劇中宋仲基同上頭撐到衡劈炮。不過灘叔仲大鬧韓劇設定唔真實：「如果女朋友鍾意睇韓劇，你根本就要割脈自殺，你點同韓仔鬥呀？」
灘叔又抱怨oppa的設定港男無得學，「啲人成日叫我學吓孔劉！點學呀？佢一日可以換幾套衫，黃偉文都學唔到佢啦！」著住孔劉件長身外套亦非凡人能駕馭得到，幻想下灘叔著長身外套揸住棵蔥行出嚟個情景，明晒，韓劇果然唔真實！
《晚吹：男人講嘢》 逢星期六 23:30-00:00於Viutv播出，亦可於網上翻睇節目重溫。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
