Sammi安仔婚後首度合唱 足本版今晚Viu TV有得睇

周焯華(洗米華)旗下的太陽城集團十週年，早前於澳門新濠影匯綜藝館舉行了一場「傳奇之夜」演唱會，最特別是邀請到安仔Sammi婚後首度同台合唱《唯獨你是不可取替》！即使二人分開兩邊台，合唱時並無走近，但睇住佢哋由離離合合，最終拉埋天窗再次合唱這首經典情歌《唯獨你是不可取替》，真係會聽到人毛管戙！

安仔Sammi夫妻檔一幕夠晒感動外，會場上可謂星光熠熠，有份演出的都係天王天后，包括陳奕迅、周杰倫、林俊傑、莫文蔚、孫燕姿、李玟等等。Eason分別唱出《七百年後》、《今日》、《時代巨輪》3首經典作品，而周董孖JJ林俊傑雙J合唱《算什麼男人》同樣有驚喜。

雖然演唱會完結，想重溫演唱會可以留意今晚(3月4日)8:30 Viu TV的《傳奇之夜》。     

圖片來源:fb@suncitygroup.mo 

下篇:  《男人講嘢》罵爆韓劇唔真實　灘叔：一日7套衫港男點做到？