各位香港觀眾遲下打開電視將有多個新選擇！奇妙電視粵語頻道(77台)宣佈於5月14日啟播，發布會當日除了請到杜汶澤及歐倩怡等久於電視上未露面的藝星撐場，仲介紹旅遊飲食、生活資訊、自製劇集等多項重點節目內容， 一次睇定開台有乜睇。
打頭陣的有阿澤主持嘅《杜汶澤食住上》，除咗親自落廚煮餸招待圈中好友（雖然為數唔多），仲會連同兩位女主持搜羅城中劣食，避免普羅大眾中伏。 （節目預告）
另外又有盧海鵬、趙海珠、林小珍等主持的《放試》，以多個實驗測試香港人特質。鵬哥攞正牌去的士台同街頭busking等地方試咪。 （節目預告）
一系列自家製綜藝節目，包括《帶阿媽去旅行2017》－李彩華及方健儀等主持為阿媽計劃行程，兩母女齊齊去旅行。（節目預告）
《無『恐』不入》挑戰恐懼驚嚇；《潮拜傲媽》探討「教仔經」；《吾男吾女》大談兩性話題。
仲有一系列美食題目，包括TVB舊將陳倩揚的《細細Love》及何傲芝、何傲兒的《何家姊妹何家餐》。
仲有《身．醫．管 Health-fie》由相隔10年復出電視圈的歐倩怡主持，為大家講療法知識 。
中意貼地節目的可以睇《香港事…香港是… HONG KONG IS…》同《香港有寶證 Hong Kong Wonders》等貼地題材。（節目預告） 
劇集方面，奇妙電視當然有自家製劇集，頭炮由由連詩雅、鄭融同吳嘉龍等人主演，全系列共3套的《100天 Best Before》，及 其他短劇如《男人都愛住家飯》及《環島日記之圓夢》。
而奇妙電視亦有外購劇，包括韓劇《鬼怪—孤單又燦爛的神》、《大力女子都奉順》及《浪漫醫生金師傅》，每套都係備受追捧的話題之作。
距離開台尚有2個月，奇妙電視的節目表尚未推出，詳情請繼續留意港生活網頁更新！
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Ísey Skyr健康冰島乳酪套裝！↓
↓ 使用比普通乳酪多近4倍的牛奶！/ 好像Gelato義式雪糕一般的口感！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
