正在閱讀
碧咸爆大仔企圖紋身!一招哄掂Brooklyn等埋老豆一齊紋

碧咸爆大仔企圖紋身!一招哄掂Brooklyn等埋老豆一齊紋

2017.06.15

通常阿仔紋身,作為阿爸阿媽都無眼睇,除非你係碧咸就唔同講法。碧咸不時同顏值極高的大仔Brooklyn隔空透過社交媒體溝通,父子關係勁融洽。近日碧咸上英國清談節目大爆Brooklyn第一次企圖紋身經歷。

 

  

 

滿身都是紋身的碧咸知道阻止唔到Brooklyn想要紋身的慾望,所以一早講明,18歲後第一個紋身一定要老豆碧咸在場,當係作為爸爸見證個仔成長的體驗。不過Brooklyn竟然唔想守諾言,喺法國打算靜靜雞同女朋友紋身。好彩有人通風報信。

  

 

碧咸打出慈父牌,同Brooklyn講佢想紋身可以紋,不過如果打破「第一個紋身要老豆在場」的承諾,作為爸爸的碧咸一定會好傷心,成功令Brooklyn改變主意!滿18的他已經有2個紋身,有相證明真係同爸爸一齊紋啊!

  

 

完整片段 

 

 

來源:The Late Late Show with James Corden