「死侍」都難逃「魁隆」毒手? 死前引用蜘蛛俠遺言

文: 王庭芝
2018.05.18

MARVEL漫畫改編的超級英雄電影《死侍2》(Deadpool 2)緊接《復仇者聯盟3:無限之戰》(Avengers:Infinity War)上映,近日主角賴恩尼諾斯(Ryan Reynolds)忙於着住「死侍裝」四出宣傳新戲,佢當然貫徹「死侍」寸嘴又抵死的性格,不停抽其他人水啦,日前佢突襲清談節目《The Late Show with Stephen Colbert》,就惡搞《復仇者聯盟3》其中一段感人情節!

有睇《復仇者聯盟3》的朋友就會知道大反派「魁隆」(Thanos)只要集齊6粒無限寶石,就可以彈指之間進行滅世計劃,電影中「魁隆」的計劃成功了,不少超級英雄亦瞬間灰飛煙滅,當中包括具有第六感的蜘蛛俠。

今次「死侍」在清談節目《The Late Show with Stephen Colbert》中就惡搞這幕《復仇者聯盟3》的著名場面,他跟主持人Stephen Colbert傾傾吓偈,突然講出蜘蛛俠在《復仇者聯盟3》消失前所說的對白:「I don’t feel well.」

當然,「死侍」臨死前都要繼續講嘢先乎合佢性格,佢指住身旁的主持人Stephen Colbert大罵:「魁隆,你無咁多錢搞呢啲嘢,Colbert!」話口未完,「死侍」就死於「魁隆」手上……唔係,係死於CG效果中,想膽仰「死侍」遺容的朋友就記得入戲院睇《死侍2》喇!

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓