正在閱讀
蘋果新款MacBook Pro正式開賣!5大賣點率先睇

蘋果新款MacBook Pro正式開賣!5大賣點率先睇

2018.07.13

之前蘋果公司一直都傳出好多關於新款iPhone的傳聞,不過近日蘋果Apple Store網頁竟然偷偷地換上了新版面,宣佈2018年新款MacBook Pro正式推出。今次新款MacBook Pro推出13吋同15吋兩款,新電腦採用Intel 第 8 代 Core 系列處理器,效能大大提升,大家亦可以按自身需要升級電腦。新推出的MacBook Pro雖然在外觀上沒有太大改變,但在多個硬件配備方面都有所提升,一齊睇下新MacBook Pro有咩賣點!

在外觀同重量方面,新款MacBook Pro與上一代相約,13 吋型號重1.37千克 15吋就重1.83千克。

新款MacBook Pro規格大大提升,15 吋型號採用 6 核心 Intel Core i9 處理器,速度比上一代最高可提升 70%。而 13 吋的MacBook Pro 就採用4核心設計,配備比15 吋型號低,但相比起上一代的13 吋MacBook Pro亦都快了兩倍。

好多人都喜歡用MacBook Pro剪片,而新款15 吋MacBook Pro可以同時處理9個4k串流,以後大家剪片就更加快同方便。

而採用4核心同6核心亦令用家可使用adobe photoshop速度提升,蘋果公司指,新設計可以最高提高85%的速度。

另外,新款MacBook Pro亦針對之前蝶式鍵盤打字太嘈問題而作出改善,蘋果公司指,採用第三代蝶式鍵盤可以減低打字時的噪音。

而15吋MacBook Pro仲會首次加入原色調技術,令屏幕的顏色更加自然,而此技術亦是MacBook Pro系列中首部加入此技術的產品。

除此之外,今次MacBook Pro仲首次加入siri功能,大家講句:喂siri,電腦就可以幫用家開應用程式,揾文件等等,使用更方便。

新款13 吋MacBook Pro 256GB 價錢為$14,388 ,而13 吋MacBook Pro 512GB價錢則為$15,888。新款15吋MacBook Pro 256GB價錢為$18,988,而 15 吋MacBook Pro 512GB價錢則為$21,988。

大家又點睇呢2部新推出的MacBook Pro呢?

 

資料及圖片來源:Apple


 

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠