正在閱讀
【兄弟大茶飯】蕭正楠曹永廉示範何謂真友情 互窒唔嬲爆抵死金句

【兄弟大茶飯】蕭正楠曹永廉示範何謂真友情 互窒唔嬲爆抵死金句

2018.08.01

蕭正楠與曹永廉合作拍攝節目《兄弟大茶飯》,他們會炮製美食,然後突擊在TVB大小活動裡探班,讓同事可以品嚐,非常有噱頭。兩人的兄弟情早已在拍攝《大太監》深深培養,所以爆出不少火花,互動、說話相當抵死,睇得觀眾笑不攏嘴。

大概聽過有句說話:「好朋友才會不停串你!」蕭正楠與曹永廉就是最佳例子。

在節目中,蕭正楠經常都窒曹永廉,講起食材甘草,都會二話不說望向對方:「甘草?即係你喎!」曹永廉聽完都忍唔住笑。

 

然後兩人製作醉雞翼時,蕭正楠又講:「我諗一個你上到一線嘅方法喇,就係等啲小生全部醉駕,咁你咪有主角做囉!」聽完都覺好抵死。

窒曹永廉的人不止蕭正楠,還有好兄弟黃浩然。

對方又再窒他:「你睇佢幾誠實,所以到而家都紅唔到!」、「佢做親飲食都執笠㗎!」

曹永廉爆笑回應:「幾千萬咋嘛!冇咪再搵過囉!錢唔係問題,有時都係為興趣啫。」

到最後黃浩然還是忍不住再窒:「咁大年紀都仲喺電視台做小生,係就退休喇!」看著他們一來一回,非常搞笑。

還有兩個男人在節目裡大講有味笑話,除了第一集曹永廉爆了一句「你(嘅)滷味」,蕭正楠見到馮盈盈講:「你個樣就似鮑魚」之外,第二集蕭正楠為斧頭扒按摩,曹永廉就話:「黃翠如就幸福喇,你手勢咁好!」

簡直令人想入非非。蕭正楠與曹永廉這對組合,實在很值得大家睇,可以笑餐飽!

就連蕭正楠女友黃翠如都正評這個節目,網友更留言力撐好笑又好睇。

圖:《兄弟大茶飯》影片截圖、黃翠如IG

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠