Whatsapp近日就新增了WhatsApp Stickers的功能，好多人都即刻研究點樣下載或者自製貼圖，成為近排朋友間的熱話。之前就教過大家點樣在App Store或者Google Store下載不同款式的貼圖，不過好多人都覺得上網下載的Stickers不夠特別，想自製貼圖，上次就教了大家點樣利用手機應用程式自製WhatsApp 貼圖，今次就教大家點樣用電腦輕鬆幾步就自製到WhatsApp Stickers！
第1步
首先準備想自製貼圖的圖片，但圖檔必須符合以下規格，包括：圖片呎吋為512x512像素、格式要儲存為PNG檔（最好已去除背景）、每一個檔案的容量不可以多過100KB。
第2步
之後就可以在手機的內存空間中新增一個新的文件夾，再從google drive中下載頭先準備好的圖片，再將圖片移到手機文件夾內。
不過提提大家，儲存的位置一定要在手機內置的記憶體入面，如果儲存了在外置記憶卡中，就有機會用唔到架啦！同埋每個文件夾一次最多只可以放30個圖案，所以大家千祈唔好太貪心。
第3步
之後大家可以在Google Store 下載「Personal Stickers for WhatsApp 」手機應用程式，安裝好後程式就會自動掃描到大家手機內的PNG圖檔，然後只要再次打開「Personal Stickers for WhatsApp 」手機應用程式，按下「add」，貼圖就會在WhatsApp 出現啦。
第4步
之段再開WhatsApp按下貼圖圖案就會見到新貼圖架啦！
不過大家留意呢個方法只適用在 Android手機，ios用家可能要等一等啦。
圖片來源:pexels
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
