正在閱讀
iPhone用家通常低收入兼冇樓?! 中國畸呢調查結果惹爭議

iPhone用家通常低收入兼冇樓?! 中國畸呢調查結果惹爭議

2018.11.23

中國最近就有機構為近年的手機市場狀況作出調查,不過調查結果就令人出奇,調查報告就顯示iPhone用家比起華為用家的學歷低,並指iPhone用家普遍每月收入都低於$3000,仲指iPhone 用家屬於冇車冇樓一族,令一眾網民質疑其調查的真實性。

最近就有中國調查機構為中國手機市場作出調查,調查各手機品牌,包括華為、OPPO、Vivo、小米、蘋果、三星等品牌。不過調查結果就比較特別,指iPhone用家多為隱形貧窮户,仲指多數蘋果用家都是冇樓冇車「雙無」一族。

研究報告初段就表示蘋果是中國各省份銷售數字是眾多手機品牌中的第一位,結果合理。

之後報告亦提到各手機用戶的背景,指華為小米主打男性中年用家,而蘋果就主打女性年輕用家。

研究結果之後愈來愈「中肯」,指白領同月入2萬以上的人比較常用華為同小米,而蘋果則只有在學生群比較受歡迎。

報告之後仲指華為的用家通常是有車有樓的成功人士,相反蘋果的用家則是冇車冇樓的「雙無」人士。

報告結果之後愈來愈離奇,指華為用戶大部分都是專科以上及高收入中年男士。反之蘋果用戶主要是低收入、未婚、月收入低於$3000的人口。

大家又點睇呢個咁「中肯」的調查呢?

資料及圖片來源:MobData

 

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠