【萬千星輝頒獎典禮2018】TVB賣廣告手法層出不窮 森美扮喊即遞出紙巾

有睇過今年台慶頒獎典禮，都知道有個紙巾品牌落咗廣告。

這個品牌有點聰明，知道頒獎時刻有人會開心到喊，到時有人遞出紙巾就可以大派用場。結果當晚該紙巾品牌出現了5次，不多也不少。

由於節目開初已講明會有間接宣傳，所以藝人們都有定準備，有需要就Cue自己要拎紙巾。

不過有些時候比較突兀，就好似麥美恩講到：「想喊都唔緊要嘅，我哋會提供足夠紙巾畀你哋嘅。」係人都知道紙巾的存在。

而藝人們得獎時，更特意講一句：「人哋問我會唔會喊」、「我當時唔知自己會唔會喊」之類的話。

尤其森美上台領獎故意說：「我好想喊，畀紙巾我，快啲。」以及田蕊妮說：「我以為自己好冷靜，點知都係…唔該！Tempo！真心㗎！」隨即就會有一盒紙巾出現，顯然藝人們都要配合廣告商。

不過，當中都會有例外。「民間視帝」馬國明上台奪「最受歡迎電視男角色」獎時，二話不說地講：「放心，我唔會喊嘅！因為我唔係代言人。」

雖然宣傳唔到，可是讓觀眾頓時想起紙巾品牌，也是逆向的賣廣告手法。