Marvel漫畫改編的超級英雄電影《蜘蛛俠：決戰千里》(Spider-Man: Far From Home)將於今年7月4日上映，近日《蜘蛛俠》的幾位主演登上電視節目宣傳新戲，一向有「劇透王」之稱的蜘蛛俠Tom Holland活躍於社交媒體，他曾經試過於Instagram誤將新戲名稱提早公開，但他自爆其實是個「IG白痴」，更要向同劇拍檔求IG教學！
《蜘蛛俠：決戰千里》演員日前到《Jimmy Kimmel Live》宣傳新片，提及早前公開的新預告短短一小時已達破億瀏覽量，可見不少Marvel粉絲都期待見到它如何接續《復仇者聯盟4：終局之戰》(Avengers: Endgame)的故事。當其他演員於新預告公開時就同步上載片段到個人IG，唯獨主角Tom Holland就比其他人遲上載，他解釋自己其實是個「IG白痴」。
「我完全唔記得要上載新預告，當日朝早一起身，我發現自己IG多咗好多粉絲，我就覺得太好喇，然後我開始碌IG，就見到條新預告，於是我好慌張，就打算開email下載預告，不過唔成功，唯有搵Zendaya，佢就拍咗條片教我點樣做，所以我真係好似一個老人家！」
Zendaya隨即爆料，指有次Tom錯手連續發了兩則IG story，不過他竟然不知道如何刪除，唯有又向Zendaya求救。
Tom Holland的「IG白癡」事件簿還有其他例子，早前《蜘蛛俠：決戰千里》演員到了加州迪士尼樂園進行宣傳活動，Tom Holland上載了一張和Zendaya及蜘蛛俠肥仔老友Jacob Batalon的合照，不過出現一件尷尬小事，Tom Holland竟將Zendaya的 tag放自己下身位置，令Zendaya即時回應：「你將我個名放呢個位置，我估你真係唔太識用IG。」儘管Tom Holland後來已經作出修改，但仍難免成為粉絲取笑的對象。
來源：Jimmy Kimmel Live
」，
App內睇文同睇片可隨時捕捉U Fun彩蛋，
換領現金券及禮品！
↓↓【免費贏Rollink可摺疊行李箱或旅行Mini Bag】↓↓
↓ 立即分享旅行打卡靚相！↓
↓【社群送禮】贏走總值,000獎品！↓
↓ 立即分享打卡蛋糕相！↓
評語