繼惠英紅(小紅姐)、姜皓文(黑仔)之後，今日下午「尚垶」袁偉豪(Ben)成為第三位《鐵探》找數演員，Ben透過網台開直播，親身在旺角女人街挑選魚網絲襪笠頭，更笠住絲襪飲珍珠奶茶，睇嚟下一位被點名的蔡思貝真係諗吓點樣突破！
點擊圖片放大
Ben為了接力《鐵探》收視公約，今日下午現身旺角女人街找數，昨日小紅姐和黑仔先後已經自備絲襪笠頭買包和買咖啡，今次Ben就索性開住直播買絲襪，他原本挑選了一雙鮮黃色的絲襪，但後來轉軚，竟然買了一對魚網絲襪，他說：「魚網絲襪有窿方便陣間飲嘢。」
之後Ben就將魚網絲襪笠落頭，然後直接在女人街「出巡」，該區一向是遊客熱點，不少遊客都對Ben眼望望，期間有內地遊客問Ben在做甚麼，Ben就回答：「你好，我叫袁偉豪，我在玩遊戲。」內地遊客才驚覺這是Ben，而Ben就大方跟遊客合照。
當然Ben不忘完成任務，就去買珍珠奶茶，果然隔住魚網絲襪飲嘢真係毫無難度，期間有市民又向Ben索簽名，Ben都有求必應。最後Ben就tag蔡思貝為下一位找數演員，唔知蔡思貝又會如何完成任務？
來源：Big Big Channel
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
