同名動畫改編的迪士尼真人版《阿拉丁》(Aladdin)是一部合家歡電影，不少家長都會帶小朋友一同觀看，不過帶小朋友睇戲有時都會造成許多不便，畢竟小朋友坐唔定，就算肯坐定睇戲又未必睇得明，這個時候家長如何處理就相當重要。昨日有網友分享在戲院睇《阿拉丁》時竟遇上一名家長為小朋友即時翻譯廣東話對白，造成滋擾。
網友在Facebook「生仔要考牌」專頁投稿，表示日前去戲院看《阿拉丁》，本來都預料戲院會有小朋友，稍為嘈吵都可以理解，不過今次嘈的不是小朋友，反而是家長。
網友在戲院聽到一名家長可能擔心小朋友聽不懂英語對白，又追不上中文字幕，於是將戲中的英文對白逐句以廣東話即時翻譯，不但讀出來，更配合感情演繹，網友指雖然該家長的聲音幾好聽，但這種行為確實會造成滋擾，惟網友跟該名家長的座位有段距離，即使網友發出「sh」聲提醒，但始終作用不大。網友無奈表示該家長附近無人提醒，情況一直持續到電影中後段才停止。
有其他網友搞笑留言：「靚聲即時傳譯，特級服務，不另收費」、「可能附近嘅人都唔識字，或者唔想追字幕，所以佢地都需要聲優呢，入戲院即時有聲優演繹，有賺呀」，亦有網友留言分享類似經歷，不過看的是對小朋友而言更加深奧的《哥斯拉II：王者巨獸》。
來源：FB@生仔要考牌系列
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
