Netflix人氣科幻劇集《怪奇物語》(Stranger Things)於全球大受歡迎，第三季將於7月4日正式上架，各位劇迷今個夏天唔愁無劇煲！劇集講述由一班小朋友入面其中一個神秘失蹤後，一位媽媽用盡各種方法想要拯救仔仔開始！當時只有這位母親和他的死黨深信他仍然在生，此時出現了一個有超能力的神秘女生Eleven......未開始煲第三季前，即刻睇睇首兩季劇情懶人包溫吓書啦！
第一季
冒險故事梗係有人「遇險」
故事發生喺1983年，印第安納洲一個名為霍金斯（Hawkins）的小鎭內。首先你要認得四個主角，分別係肥仔Dustin、「伏匿匿」高手Will、青蛙面Mike同衝動過吳卓羲嘅Lucas，佢哋係同一間中學讀書，係打風都打唔甩嘅死黨。話說有一晚，佢哋一齊喺Mike屋企玩桌上遊戲後，便各自回家；但喺回家路上，Will突然被怪獸Demogoron捉走帶到去顛倒世界（The Upside Down）。Will嘅媽媽Joyce發現個仔人間蒸發後，就馬上尋求警長Jim幫手。
超能力女孩 Eleven 加入
另一邊廂，喺Dustin、Mike、Lucas三個不斷尋找好友下落嘅期間，遇上咗一個著住醫院袍疾走嘅女孩子Eleven，佢其實識得用超能力，啱啱由實驗室逃跑出嚟嘅，因為佢嘅父親Martin博士自Eleven仲係嬰兒開始，就對佢進行不人道實驗，希望將佢變成軍事武器。三人組商量過後，Mike決定將Eleven收留喺自己屋企嘅地下室到。
不惜一切救 Will 回現實世界
為咗救啊Will，Jim同Martin博士開交換條件，Jim需要透露Eleven身處的位置，博士就要容許佢進入實驗室之中通住顛倒世界的缺口。達成協議後，Jim同Joyce一齊進入顛倒世界，開展拯救Will嘅工作。與此同時，Demogoron因為聞到濃濃嘅血腥味，而馬上衝上嚟開餐。Martin博士嘅手下亦於此時趕到，可惜人就捉唔到，魔神就一秒撞到，最後敵唔過佢嘅血盤巨口，全軍覆沒。為咗保護三人組，Eleven施盡渾身解數，最後爆Seed，同Demogoron同歸於盡（其實只是進入了顛倒世界）。Jim同Joyce亦成功喺顛倒世界搵番Will，將佢帶番嚟現實世界。
第二季
一切由 Will 嘔出一條蟲開始
Will喺第一季最尾被神秘生物入侵身體，開始毫無預警嘅情況下被迫傳送翻去顛倒世界，更發現體型龐大嘅新怪獸Mind Flayer正不斷嘗試接觸自己。 Eleven逃出顛倒世界後，被神探Jim秘密收留喺森林小屋，以免被外界發現佢嘅存在。但係，Eleven一直心繫外面的世界（其實心繫Mike)，亦因為咁同Jim多次爭執，關係漸趨緊張。
霍金斯小鎮接二連三出現奇怪現象
南瓜田開始離奇枯萎，周遭植物更有顛倒世界嘅特徴：四處佈滿黑色黏液。神探Jim又再次爆發佢嘅偵探小宇宙，發現事件可能與實驗室有關，原來實驗室嘅缺口又再蠢蠢欲動......先講返Will，Will母親Joyce一直都係單身，但喺本季識咗新男友啊Bob。Bob雖然非常友善，但就做咗人生一個最壞嘅決定：鼓勵Will向「夢中」嘅怪物投懷送抱。弱弱的Will接納咗佢嘅意見，結果被Mind Flayer成功上身，逐漸控制佢嘅自主意識。
被 Mindflayer 上身嘅 Will 開始行徑詭異
繪畫奇怪嘅圖畫，連Joyce都不明所以。Jim喺調查南瓜田期間，又唔小心墜入地下通道。聰明嘅Bob終於將所有拼圖拼埋一齊，發現原來南瓜田下面係霍金斯嘅地下通道；佢哋成功救返Jim嘅時候，邪惡實驗人員就趕到，打算用噴火器燒毀因顛倒世界缺口而形成嘅地下通道，一燒起上嚟，Will就痛苦不已，馬上被送往實驗室治療。而佢哋都發現咗，如果完全摧毀地下通道，Will就會死。
由於Will同Mind Flayer已成一體，佢誤導實驗室成員走入地下通道，攻擊Mind Flayer嘅「弱點」。實驗室成員遭到大量Demodogs襲擊，又再全軍覆沒，咦，點解我會講個「再」字嘅？總之，Will成為咗Mind Flayer在現實世界的間諜，同時，Demodogs亦開始襲擊實驗室總部，為了拯救Joyce、Jim同Will，Bob就壯烈犧牲咗。
三人組 Dustin, Lucas 和 Mike 再度出擊
Mike估計Will已經成為咗Mind Flayer監視大家嘅武器，因此為咗隱藏大家行蹤，佢哋將Will困咗喺連佢自己都唔知嘅地方。Joyce嘗試以回憶喚醒Will嘅自我意識，Will用手指打出摩斯密碼：CLOSEGATE，意思係要大家關上實驗室裏顛倒世界缺口，先可以撃敗Mind Flayer。然而，佢哋卻唔小心俾Will知道咗自己所在位置，Mind Flayer派出大量Demodogs進行攻擊...（未完嘅）喺關鍵一刻，Eleven霸氣出場，用超能力將所有怪獸殺死，仲用量畢生功力關閉大門，保大家安全。
然後，學校舉行冬日舞會，人人有舞伴，Eleven與Mike有情人終成眷屬，大團圓結局 ！（真係.....？）
第三季
《怪奇物語3》將於 7 月 4 日於Netflix獨家播放，故事從第二季之後一年的1985年Hawkins發展，今年暑假小鎮最重要的大事就是一個新的購物中心正式開幕，Hawkins的主角們也開始邁入轉大人的青春期，浪漫情愫跟隨隱藏危機的詭異氛圍蔓延茁壯。前所未見的威脅和原來舊有的黑暗力量一起出現。他們為了生存必須團結起來，因為友誼才能戰勝恐懼！
煲劇網址：netflix.com/StrangerThings
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
