講到烹飪Game的經典，當然是任天堂NDS及3DS的《Cooking Mama》，去年Planet Digital Partners就公佈即將推出系列新作《Cooking Mama: Cookstar》，早前荷蘭零售商Nedgame意外公開遊戲影片，令粉絲得知遊戲推出日期。近日更有店舖經已偷跑推出，香港都經已有售，各位機迷又入手未呢？
《Cooking Mama》自2006年在NDS平台推出，其後陸續登陸Wii和手遊平台，可惜在2011年於3DS推出《Cooking Mama 4: Kitchen Magic》後再無新作，今次終於宣佈回歸更會登陸Nintendo Switch！
早前傳出新作除了有經典料理煮食，更有素食模式，荷蘭零售商Nedgame更意外在網站公佈最新遊戲預告，雖然不久後已刪去短片但經已在網上瘋傳，短片可見玩家要以Joy-Con控制廚具煮飯仔，更可以為自家製美食拍照。短片更曝光預定發售日期為 3 月，售價為39.99 元美金，不過在影片中就未見傳聞中的素食模式。
預定在本月上架的《Cooking Mama: Cookstar》，近日有遊戲店舖經已將遊戲偷跑推出市面，連香港店舖都經已有售實體版遊戲，不少機迷都經已入手！遊戲中集合80多款菜式，有近年興起的彩虹拉絲吐司外，仲加入氣炸鍋煮食，而Joy-Con體感控制的動作更貼近真實動作，令玩家充滿臨場感。另外亦設有雙人模式，可以同朋友進行煮食對決或合作煮飯仔。
有興趣重溫童年回憶的朋友，記得入手啦！
來源：nedgame、Cooking Mama World、gamesradar、polygon
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
