15大BBQ燒烤秘訣大公開!3分鐘快速燒扒/叉雞翼/起爐技巧

2020.10.23

秋天又到,好多人都會趁住秋高氣爽的季節與朋友或家人去BBQ燒烤,不過想燒到肉嫩多汁的雞翼、扒類等都有一定技巧,所以小編就專程向大尾篤燒烤場經驗老到的師傳取經,教大家15大BBQ燒烤及開爐秘技,一齊睇以下BBQ燒烤技巧啦!

1.叉雞中翼技巧

將雞翼打橫放,多肉的部分對向自己,叉入骨頭下底的肉,保証不會兩邊轉,按下圖睇示範!

 

2.燒雞翼技巧
弱火可將雞翼貼近爐火,每幾十秒就反轉另一邊,以保質肉嫩多汁,但注意記得避開雞油所造成的油火,以免令雞翼燻黑。

燒烤時間:5-10分鐘

 

3.叉雞全翼技巧

先將雞翼扯成直線,再叉入雞翼的骹位,令雞翼不會左右轉動,按下圖睇示範。


4.燒雞全翼技巧

燒雞全翼不宜故意將雞鎚向火燒,以避免過度燒焦,同時亦注意記得避開油火,避免令雞翼燻黑。

燒烤時間:10分鐘

 

5.叉扒類方法

首先將燒烤叉兩邊收窄,以便更容易叉好食物,先用叉叉好細肉,再叉肉扒的另一邊,之後再反轉叉好兩邊以穩定肉扒。叉好後要拉直整塊肉扒,以確保每個位置都可以平均地接觸炭火,按下圖睇示範。


6.燒扒類方法

肉扒應該先燒有鐵的地方,而且適宜用大火低燒,以鎖住肉汁,每幾十秒轉另一邊,以免過度燒焦,按下圖睇示範。

燒烤時間:3-5分鐘(豬扒)3分鐘(牛扒)

 

7.叉腸仔技巧

將香腸垂直叉好,令香腸可以平均受火。

 

8.燒腸仔技巧

腸仔適宜在開爐初期,趁弱火時低燒,要有耐性不時反轉香腸,當腸仔變成脹身即食得!

燒烤時間:5-10分鐘

 

9.叉排骨技巧

排骨應叉骨頭底的肉,以確保排骨不會左右轉動。

 

10.燒排骨技巧

排骨宜用大火高燒,容易鎖住肉汁,同樣要幾十秒反轉排骨,避免肉質過硬,按下圖睇示範。

 

燒烤時間:10-15分鐘

 

11.叉魷魚技巧

先叉魷魚的背面(黑色面), 再反轉叉魷魚的正面,再拉直整塊魷魚,確保整塊魷魚都可以平均地接觸炭火,按下圖睇示範。


12.燒魷魚技巧

燒魷魚需先燒魷魚的背面再燒正面,亦適宜用大火低燒方式,以確保魷魚夠爽口,按下圖睇示範。 

燒烤時間:2分鐘

 

13.叉雞腎技巧

應放平雞腎再叉,確保每塊雞腎都可以平均地接觸炭火,按下圖睇示範。


14.燒雞腎技巧

燒雞腎應用大火,同樣每邊燒幾十秒再反轉,以確保雞腎不會因燒得太耐而變韌,按下圖睇示範。

燒烤時間:10分鐘

 

15.起爐技巧

將長炭放在火的旁邊,碎炭放在火中間,可以令火勢更持久。

 

立刻訂閱Telegram優惠頻道:

↓【App限定】禮品、現金券、優惠折扣等您攞!↓

立即免費下載~攞定U Fun隨時換禮遇!

立即免費下載~攞定U Fun隨時換禮遇!

↓【App限定】立即參加 ↓

勁送《100張HK$50個人護理店現金券》

勁送《100張HK$50個人護理店現金券》

評語

各區優惠、玩買食熱點!
港生活
《香港好去處地圖》
Click一Click就知道! 立即用

各區優惠、玩買食熱點!
港生活
《香港好去處地圖》
Click一Click就知道! 立即用