因為新型肺炎肆虐的關係，全球經濟現時正陷入低迷，樓價也稍有回落。早前有Youtuber帶大家到港島區睇樓，分別揀選了4個來自北角與灣仔的單位，看看一人住的話，用300萬至500萬可以買到甚麼類型的單位。
Youtuber雪姨首先到灣仔有35年樓齡的康富大廈，388萬只得145呎。單位細細，不過環境頗為開揚，間隔也算合格，可以放床及小梳化及茶几，分到廳到瞓覺位。不過缺點是廚房太細，要被逼每日買外賣食。
第二間就是同樣在灣仔有25年樓齡的慧蘭閣，叫價430萬，有224呎，在眾多單位之中最大，一梯有兩伙。就肉眼所見，實用面積頗大，有一個空間十足的廚房，能夠放到洗衣機。大廳四四方方，活動空間大。不過大廈位於街市附近，如果怕嘈就不太適合。
第三間就是北角的尚譽，也是4間之中最貴的單位，樓齡也是最新，490萬只得170呎。雖然大堂是有氣派的酒店式設計，同時又有會所、空中花園等設施，屋內的設備也是一應俱全、新淨，但實用性也是最低。170呎中已有數十呎劃為露台，令屋內空間好像只有客廳，名符其實車位盤。屋內雖有落地玻璃，但面向商業大廈，私隱度欠奉，買的話有點不划算。
最後一間就是位於北角的嘉興大廈，樓齡有35年，205呎賣500萬。單位位於頂層的下一層，景觀也相當開揚，四面都有窗。不過屋內的裝修也比較殘舊，就算成交之後都要預一筆錢裝修。
雪姨最後教路，如果單位在頂樓下一層，就要考慮有無漏水問題，又要衡量住宅會否溫度過高的問題。如果要揀作上車用的話，第一間會比較合心水，她認為買第一層樓最重要自己喜歡，不要為買而買。
特別鳴謝雪姨授權轉載
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
