印度裔演員陳振華Ricky是土生土長的香港人，早年經由同鄉喬寶寶介紹入行，以特約演員身份飾演過不少TVB劇集的配角，亦拍過電影，更因為一口流利廣東話而令觀眾印象深刻。近日，其妻子Alison在社交平台撰寫千字文力數Ricky賤男行為，更隔空要求離婚，引起網友熱議。
演員陳振華Ricky的妻子Alison在網上撰文，力數丈夫的賤男行為，首先踢爆他第一宗罪：出軌與內地女子偷食，更以「老婆成日攞佢錢」為由周圍借錢。Alison形容Ricky連囡囡利是錢的亦不放過，將所有錢都拿走養二奶：「我同個女食都冇得食！學費你唔交累到個女冇書讀要退學」。
出軌之外，Alison怒斥Ricky第二宗罪：反咬一口「講衰自己個老婆」，指責Ricky「為左隻北姑棄埋個女都算，仲要玩抹黑，同人地唱完我再講衰個女，你有冇人性嫁！」。
另外，Alison又指Ricky第三宗罪：表裡不一，在鏡頭面前扮顧家好男人，其實多年來只有在失蹤前3、4個月給過約2萬生活費就不了了之。
她繼續數第四宗罪：忽略及虐待女兒，指Ricky從來沒有買過玩具給女兒：「淨係送過一包糖咋！個女記到而家呀！果隻糖你女以前唔食嫁！因為你佢鍾意左呢隻糖，話你買過比佢！成日都叫我買！因為佢好開心係你送比佢！」。
她表示：「你自己對個女衰令個女討厭你！係邊個丟低個女一個人喺餐廳走咗去，最後要餐廳嘅人打黎搵我我先知道？！係邊個打到個女流血？！係邊個成日打個女個頭話個女賤？！係邊個一巴巴打落個女度！係邊個成日講粗口鬧個女嚟威脅我？」。
面對出軌、拋棄妻女、虐打女兒兼周身街數的丈夫，Alison就隔空要求Ricky回港離婚，並數出第五宗罪：「本來冇得罪你，只係因為你自己有北姑而分開，你都可以癲到連公屋都特登取消埋唔俾我同個女！」。
最後，她強調自己與陳振華已分開，不會為他解決走數問題：「佢最近喺出面周圍問人借錢走晒嗰d數與我無關，我建議咁多位最近不約而同地曾經搵過我嘅受害人報警」。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【免費送💝】ghd限量冰藍美髮造型夾✨
↓一機兩用 雙效熱風造型！↓
