45分鐘車程！首爾近郊賞花行
去韓國賞花，又係首爾、釜山和鎮海？這些推介太無新意啦！韓迷記者最討厭去大路景點賞花，撞口撞面都係外國遊客，周街廣東話，唔講以為返咗香港。前幾日一心跟住韓國人，去到離首爾不過 45 分鐘車程的富川市，除了有櫻花睇，仲有滿山粉紅的杜鵑花。想走入花叢影相打卡，完全無難度。
行完遠美山，距離 15 分鐘的路程內，尚有一個當地人氣的賞櫻熱點－－「陶唐山」。兩山之間不過相距一條大馬路，亦可經山上的的家樂徑步行而至。櫻花道由山底漫延至山腰，全長 7 公里，若非遇上人生人海的櫻花祭，一個小時便可行畢。抬頭一望，與日本粉嫩的吉野櫻不同，枝頭上似是染上一點點的糖霜，白茫茫一片。一棵棵綻放的白櫻，豎立在山道兩旁，穿梭其中就如走入白色的櫻花隧道，至少預足半日來影相才足夠。
遠美山公園
預計開花期：4 月初 - 4 月中
杜鵑花祭日期：花祭為期兩日，必定選周六日，而每年花祭的日子約在兩星期前才確定
地址：京畿道富川市遠美區溪南路 295 街 22-1（경기도부천시원미구계남로 295 번 22-1）
交通：首爾地鐵 7 號綫富川綜合運動場站 2 號出口，步行約 8 分鐘
陶唐山公園
預計開花期：4 月中旬
地址：京畿道富川市遠美區富川路 263 號 41-6（경기도부천시원미구부천로 263 번길 41-6）
交通：乘首爾地鐵 7 號綫至春衣站 8 號出口出，步行約 10分鐘
文：Yuki、相：Brian Tam
港生活人氣本地熱話
【賦二代必玩🎤】MC張天賦忠粉小測驗！
即刻測下您有幾了解MC張天賦！
【新手爸媽必睇✨】實測 N 款人氣 BB 用品！話您知邊款先係高CP值
U GO 本週好去處
