一日之計在於晨，早餐的重要性相信都唔洗我多講，全日流流長，唔食返餐好嘅邊有能量應付全日嘅工作呢？而且人一日50%至70%嘅營養都係由早餐獲得，既然早餐咁重要，你又知唔知點食可以更健康？即刻睇睇以下幾個貼士啦！
點食蛋最有營養？
蛋，絕對係早餐其中不可或缺嘅元素，因為佢營養豐富，有蛋白質、維他命A、D同埋健康嘅脂肪等等，足夠嘅蛋白質仲可以減肥添，而且蛋都有好多唔同做法，帶嚟嘅蛋白質含量都唔同嫁。白煮蛋係最多嘅，有99.7%，而煎半熟荷包蛋就有約98%，再之後依次就係炒蛋、蒸蛋、蒸全熟荷包蛋，最後係生蛋，只有30-50%。如果人體缺少咗蛋白質，免疫系統就會變差，感染病毒嘅機會都會增加嫁～
牛奶會致肥同導致暗瘡？
奶都係另一樣早餐會諗起嘅飲品，不過就有唔少爭議，有啲人話其實唔應該飲牛奶，咁到底飲定唔飲好呢？成日都聽到飲牛奶可以補鈣，的確適量飲用係可以有助補鈣，身體缺鈣的話會引致失眠、容易攰，甚至會對情緒造成影響，容易出現抑鬱問題。不過如果過多就反而會增加骨折風險。
牛奶亦含有脂肪，所以要留意飲用份量，否則就會好容易變肥同攝取過多脂肪。另外都有人話飲牛奶會導致暗瘡，牛奶同埋奶類製品都含有天然激素，容易增加油脂分泌，脫脂或者低脂奶會更刺激暗瘡爆發，所以如果有呢類問題嘅朋友就更加要留意啦～
全麥方包最重要的成份係？
相比起普通白方包，有唔少人會更喜歡全麥方包，覺得纖維含量高，但原來市面上有部分麥包只係用黃糖或焦糖等將白麵包染成啡色，營養成分實際上同白麵包無分別，白麵包嘅第一成分其實都係小麥粉，所以「全麥」不一定等於健康，甚至真正高纖嘅全麥粉仲排得後過糖，即係糖含量比全麥粉仲要高，所以揀麵包記得係要睇全麥粉嘅位置呀！仲可以睇埋佢嘅橫切面，全麥方包嘅空隙都會比較大，而且仲充斥麩皮。
有咩空肚唔食得？
瞓咗一晚，之前一日食嘅嘢都消化晒，原來有啲食物空肚進食都會對身體造成一啲負擔，就好似好多港人鍾意每日一杯嘅咖啡，因為咖啡因、濃茶呢啲都屬於刺激性食物，如果佢哋接觸到胃壁，就會刺激胃酸分泌引致胃痛，所以記得要配其他食物飲用呀。
另外高升堂指數食物都唔應該食，例如係糯米、壽司、麻糬等，呢啲食物容易令到血糖大起大跌，嚴重嘅話仲會導致冒汗、乏力等症狀。
雖然早餐嘅食物普遍都唔係太刺激性，不過唔同食物對唔同嘅人都有唔同嘅效果，所以大家應該要了解吓自己嘅體質再去揀適合自己嘅早餐呀！
▼即睇更多健康資訊▼
」，
App內睇文同睇片可隨時捕捉U Fun彩蛋，
換領現金券及禮品！
↓↓【免費贏Rollink可摺疊行李箱或旅行Mini Bag】↓↓
↓ 立即分享旅行打卡靚相！↓
↓【限時搶】大派UCC濃香黑咖啡！↓
↓ 純黑咖啡、冷萃黑咖啡！讓您感受馥郁濃香！↓
評語