【反黑路人甲】前度洪卓立原來是初戀情人 湯怡單身2年後首度剖白11年情斷原因

2020.09.08

入行14年的湯怡最近因TVB劇集《反黑路人甲》飾演清純女生蘇芷珊一角而人氣急升,最近她接受《1圈圈星光背後》專訪,罕有談及過去跟洪卓立的11年情,更首次講到與對方分手的真正原因。

湯怡接受訪問時,她透露洪卓立是初戀情人,令主持人梁泰來感到驚訝。她說:「中三有男仔同我示愛,走埋一齊有2、3個月,但我哋手都冇拖,反而同阿Ken(洪卓立)係第一次正式拍拖,好多人都話難以置信。」

湯怡更大方講到與前度洪卓立相戀的經過,源於多年前拍攝廣告:「最初佢俾我嘅印象係一個比我更怕醜嘅人,唔係成日講嘢又好容易臉紅。不過佢係一個好細心體貼嘅男仔,仲記得佢出碟搵我拍宣傳片,個時我發高燒,佢好Sweet咁買藥俾我食。」

兩人一起不久就向公司交代戀情,直到拍拖6、7年才公開。正當大家以為兩人會結婚之際,2018年卻宣布分手,湯怡表示兩人之間相處有些問題:「一齊咁多年,相處一定會有問題。加上當時我都去到一定嘅年紀,對女仔嚟講年紀都唔細,開始會諗將來,會諗大家事業上嘅問題,或者分開一下各自去衡量,對雙方的成長會更好。」兩人於2017年用了一年時間磨合及改善,最後決定忍痛分手:「冇人知將來係點,不過分開一下,為自己同屋企人都好,都唔會浪費時間。」單身2年的湯怡,坦言有追求者示好,但她目前想以事業先行,對於感情事還是隨緣。

圖:IG@湯怡

下一頁

立刻訂閱Telegram優惠頻道:

【港生活6周年大激賞】入App贏至「嘆」巨獎!

↓↓最後一擊送OTO Rockie按摩椅↓↓

最後一擊送OTO Rockie按摩椅

↓【App限定】禮品、現金券、優惠折扣等您攞!↓

立即免費下載~攞定U Fun隨時換禮遇!

立即免費下載~攞定U Fun隨時換禮遇!

評語

各區優惠、玩買食熱點!
港生活
《香港好去處地圖》
Click一Click就知道! 立即用

各區優惠、玩買食熱點!
港生活
《香港好去處地圖》
Click一Click就知道! 立即用