TVB節目《我要做業主》除了請來成功上車人士分享置業心得外，亦有邀請有意上車的藝人大講儲錢心路歷程。最新一集請來了兩位港姐蔡嘉欣及張秀文，兩人均大嘆上車真是難，因為藝人收入確實不穩定。
19年的港姐蔡嘉欣雖然本來已是一名KOL，現時與家姐租屋住，但她仍有一個置業夢。可是她就覺得上車好困難，就算現時按揭放寬了，800萬以下物業可做9成，她卻不想為上樓而負債，仍默默地儲錢。因為她覺得按揭放寬幫助不大：「自己攞一成出嚟，九成按揭我會覺得好大壓力，真係要買我寧願做嘢努力啲，做多幾年儲多啲個首期，啲人覺得藝人好容易買樓，其實表面風光，收入好唔穩定，好難通過銀行壓力測試。我都唔想儲到一生，之後人生背負住9成債務，會好攰。」
不過有網民就認為，蔡嘉欣嘆自己難買到樓，可能是她愛買名牌所致，因她早前拍了一段vlog，見她家中衣櫃滿是名牌手袋，直言兩大櫃名牌袋加起來都能夠付首期。不過她亦補充指，大部分手袋都是屬於家姐的。
另一位港姐張秀文同樣講到自己一直未有機會上車，她入行多年來租過唐樓、村屋及私人屋苑等，直到三年前萌生置業計劃，但覺得未必負擔到上車盤，因她覺得自己儲錢好慢：「搵嘅錢到使嘅錢會差唔多，真係好難儲，就算一年儲到十萬、廿萬，擺吓擺吓都係得十零廿萬。」她同樣覺得藝人收入過唔到個壓力測試,想過有兩個選擇：「一係結婚同另一半合力，一係買細啲嘅單位租畀人，收返嚟嘅租金覆蓋到我供樓嘅錢，成日聽人講細樓換大樓就容易好多。」
圖：IG@蔡嘉欣、張秀文
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
