【蟹季】大閘蟹秋天當造!8款香港常見蟹類品種 一文睇晒黃油蟹/膏蟹/肉蟹的分別

文: Kate Yeung
2020.10.19

秋冬一直都是品嘗大閘蟹的熱門季節,不少香港人都會睇準時機品嘗,相信大家近日都會看到友人食蟹時打卡放上社交平台,真係睇到都流晒口水!其實香港可以買到的蟹的品種都五花八門,以下集合了香港常見的食用蟹種,蟹季一於認識一下不同品種、來自不同地方的蟹!

1. 花蟹

花蟹肉質較軟,喜歡爽滑口感或著重蟹味的人就未必合心意。花蟹有很多種類,香港最常見的就有紅花蟹、藍花蟹。花蟹主要分佈於印度洋及西太平洋,包括日本、澳洲、東南亞、非洲東岸、中國及台灣等。雖然花蟹一年四季都可以買得到,但香港較常見的花蟹出產自中國沿岸,每年十月至翌年三月最當造。

2. 紅蟹

紅蟹肉質厚實,蟹味鮮甜。中國、香港、台灣、日本等地均有出產紅蟹,在香港亦是全年供應。但香港常見的紅蟹出產自中國沿岸,就要二至三月才是最肥美。

3. 三點蟹

三點蟹是鹹水蟹,肉質鮮味十足,但香味就比較淡。最易認的特徵就是蟹殼上有三個圓點。在中國、日本、夏威夷等地均有出產。香港同樣全年都可以食到,但十一月及十二月就最為肥美。

 4. 肉蟹

肉蟹即是雄性青蟹,是半鹹淡水蟹,肉質鮮美,比較爽滑。肉蟹廣泛分佈於熱帶及亞熱帶的鹹淡水海域,包括中國、台灣、香港、日本等地。在香港亦全年都能夠買到,在3至4月及7至9月就是最當造。

5. 膏蟹

膏蟹與肉蟹一樣都是青蟹,不過是雌蟹。與肉蟹不同的是,膏蟹的膏質特別稠密,在光線透視下可以見到蟹膏充滿殼的兩邊。與肉蟹一樣,大家一年四季都能夠找到膏蟹,但每年夏季六至七月是膏蟹產卵期,會較肥美,秋冬可能就要轉戰其他品種。

6. 黃油蟹

黃油蟹其實是膏蟹,在夏季海水水溫升高,蟹膏分解成橙黃色的油質滲透到蟹身,黃油蟹就是指被黃色的油質包圍的膏蟹。黃油蟹可分為三類,分別是產於近海水域的海黃油、產於基圍內的基圍油,以及產於人工養殖塘的塘油蟹,海黃油的油質及肉地是三者當中最佳。每年端午節至中秋節期間,即6至8月之間才會有機會品嘗。

7. 亞拉斯加長腳蟹

亞拉斯加長腳蟹主要來自北美太平洋北部等寒冷海域、白令海及日本海的深海。亞拉斯加長腳蟹因為生長環境偏遠又寒冷,所以蟹肉爽而鮮甜。香港見到的進口亞拉斯加長腳蟹大多數都是急涷貨,每年九月至翌年二月的秋冬季就是品嘗亞拉斯加長腳蟹的好時機。

8. 大閘蟹

大閘蟹是淡水蟹,蟹膏甘香、肉質鮮美而肉味爽甜。大閘蟹最聞名的出產地就是江蘇陽澄湖以及太湖。每年農曆8至10月份就是大閘蟹當造的季節,俗語有云「九月圓臍十月尖,持螯飲酒菊花天」,即是農曆9月吃圓臍雌蟹農曆10月吃尖臍雄蟹就是最佳時機

農曆9月正值秋冬大閘蟹季,愛蟹之人不要浪費好機會,在香港食盡大閘蟹!

 

來源:鳴謝香港餐務管理協會授權

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓