張頴康和麥雅緻結婚8年，向來十分恩愛，經常在社交平台上分享生活點滴，又與女兒張雅喬（小豆）和兒子張迅橋（小花生）一家四口相處融洽。張頴康近日分享自己戒煙100日的故事，講到因為女兒一句說話，令他決心要戒煙。
張頴康在FB上講到自己已經戒煙100日，並分享心路歷程。講到當初戒煙全因為女兒一句說話，觸動到他內心深處，於是決心戒去多年的習慣。他說：「小豆突然喺我背囊度攞咗包電子煙嘅煙蛋出嚟，問我係乜嘢嚟？我答：『爸爸攞嚟Relax嘅!』點知換嚟小豆一句：『我唔鍾意你吸煙呀！』我從來都冇喺佢面前食過，原來佢一早已經知道係乜嘢嚟！『我唔鍾意你吸煙呀！』呢句說話，就好似一支針插咗入我心咁樣！到第二日，2020年8月5日，下午收工揸車返屋企嘅路程上，不停諗起小豆講呢句說話，當時好唔開心，唔知點做好！」
於是他便開始嘗試戒煙，發現可以一小段路程不吸煙，再發現可以更長時間唔食煙，張頴康於是回到家馬上將所有電子煙用具交給老婆，一戒就已經戒了一百日。張頴康坦言當初有想食的衝動，如養了多年的愛犬Bell Bell離世，都有一秒想食返。幸好老婆麥雅緻與女兒小豆想到一個辦法，就是每日貼一張貼紙俾我，當作獎勵或提醒當日沒有吸煙，這個方法目前為止很成功。
不過張頴康其實講到戒電子煙過程比戒傳統煙辛苦：「戒煙嘅頭20日裏面，我經常標冷汗，身體Keep住低溫，開工嘅時候集中唔到精神（仲要係幾句對白都記唔到）以前戒傳統煙仔嘅時候，都冇呢個情況！咁點解我戒電子煙嘅時候會咁辛苦？即係話，一直以來我都唔知吸咗啲乜嘢化學嘢入去身體裏面，到冇咗嘅時候，身體會出現咁嘅反應！所以我覺得好恐怖！我出呢個Post，並唔係呼籲人要戒煙，而係想俾大家知道，食咗電子煙之後對我身體有幾大傷害，同埋電子煙裏面有乜嘢化學成份會令到你冇咗佢唔得！食緊電子煙嘅朋友，真係要正視下呢個問題！」
對於下一個目標是戒煙365日，張頴康充滿信心，他說：「電子煙唔係通街都買度，係有難度㗎！況且我經歷咗嗰20日Keep住標冷汗嘅狀態，我諗吓都唔會再想食返！」網民看過張頴康的戒煙心路歷程後，大讚他非常愛錫家人，希望他戒煙成功。
圖：ig@張頴康、fb@張頴康麥雅緻
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
